Frjáls verslun - 01.10.1994, Page 23

upp. Vinnslustöðin fékk því ekki afla-
heimildir í vöggugjöf. Að auki var flot-
inn allt of stór þegar ég tók við.
Vinnslustöðin átti alls tíu skip. Við
hefðum átt að fara í greiðslustöðvun í
upphafi og fá niðurfellingu skulda en
stjórnin krafðist þess að enginn yrði
látinn tapa peningum á fyrirtækinu
heldur greiddum við okkur út úr
skuldunum. Stoltið var mjög mikið og
það hefur fleytt okkur áfram.“
STJÓRNANDISEM KOM MEÐ
SITTEIGIÐ LIÐ
Sighvatur er stjómandi, sem kom
með sitt eigið lið með sér í fyrirtækið,
nýja menn sem hann setti í lykilstöð-
ur. Þar fara fremstir í flokki Úlfar
Steindórsson, fjármálastjóri en hann
var í þrjú ár fjármálastjóri hjá P. Sam-
úelssyni, Toyota-umboðinu, Sigurð-
ur Friðbjömsson verksmiðjustjóri og
Viðar Elíasson. Sighvatur lék undir
stjórn Úlfars sem þjálfaði 2. flokk ÍBV
árið 1980. Sighvatur var fyrirliði liðs-
ins líkt og hann hafði verið í gegnum
alla yngri flokkana. Það er skemmst
frá því að segja að þeir félagar urðu
Islandsmeistarar það árið. Frábært
upphaf að góðu samstarfí.
Að mati Sighvats em kostir góðs
stjórnanda að vera samkvæmur sjálf-
um sér, sanngjarn og flýja ekki
ákvarðanatöku. „Ég hef ekki séð eftir
neinni ákvörðun sem ég hef tekið hjá
Vinnslustöðinni, þær hafa verið tekn-
ar út frá þeirri einu hugsjón að koma
fyrirtækinu aftur af stað,“ orðar hann
það. Hann hefur lofað nýrri stjórn
Vinnslustöðvarinnar að vera fram-
kvæmdastjóri næstu fimm árin en
segist ætla að vera kominn í annað
starf um aldamótin.
Eitt af því sem Sighvatur lagði
áherslu á, þegar hann kom í fyrirtæk-
>ð, var að grípa til skjótra aðgerða við
sölu eigna. Ekkert var heilagt í því
sambandi. Gera varð sér mat úr öllum
eignum og lækka skuldimar. Hluta-
bréf voru seld í þeim fyrirtækjum,
sem Vinnslustöðin átti hlut í, svo sem
eins og Tryggingamiðstöðinni og 01-
íufélaginu. Því næst var hlutafé fyrir-
tækisins aukið um 80 milljónir.
lækkaði fyrst sín eigin laun
Áður hefur verið minnst á fækkun
starfsfólks í stjórnunarstöðum, eins
og framkvæmdastjóranna fimm sem
þurftu að láta af störfum sínum.
Árangurinn er mjög sýnilegur. Árið
1992 nam stjómunarkostnaður til að
mynda 83 milljónum en er nú kominn
niður í um 60 milljónir. Laun stjórn-
enda vom einnig lækkuð. Áður en til
þess kom lækkaði Sighvatur eigin
laun um íjórðung, eða 25%.
„Við óskuðum ekki eftir neinum af-
skriftum heldur hófum miklar samn-
ingaviðræður við lánardrottna okkar
sem hafa verið mjög þolinmóðir. ís-
landsbanki, Olíufélagið og Trygginga-
miðstöðin eiga mjög stóran þátt í því
að fyrirtækinu hefur tekist að rétta úr
kútnum."
Einn af stóm vinningum Vinnslu-
stöðvarinnar undir stjórn Sighvats
var afburðagóð loðnuvertíð síðastlið-
inn vetur. „Þetta var undirbúin
heppni,“ orðar Sighvatur það. Sig-
hvatur ákvað að veðja á loðnuna og
jók afkastagetu fyrirtækisins í loðnu-
frystingu á meðan aðrir héldu að sér
höndum í þeim efnum. Og loðnan
kom. Handagangur var í öskjunni og
keppnisskapið gaus upp í Sighvati og
öðrum starfsmönnum Vinnslustöðv-
arinnar — rétt eins og á góðum degi í
knattspyrnunni á Hásteinsvelli í Vest-
mannaeyjum. Það var stemmning.
„Ég spurði framleiðslustjórann
hvað við gætum mögulega fryst mikið
af loðnu og nefndi hann 1.500 tonn.
Ég svaraði að bragði að við skyldum
frysta 2.500 tonn. Það þótti eins og
hver annar brandari, það var hlegið að
mér. En viti menn, þegar upp var
staðið höfðum við fryst 2.700 tonn af
loðnu. Þetta var ævintýri líkast. Við
vorum að frysta 270 tonn á sólarhring
fyrir 35 milljónir. Þetta stóð yfir í
mánuð. Auk þess var bræðslan í full-
um gangi líka.“
FJÁRMÁLASTJÓRINN FYLLTITÖSKUNA
AFGRÆNUM GREIÐSLUSEÐLUM
0G RÖLTIÚT í BANKA
Þegar Sighvatur er spurður hvort
sú saga sé rétt að Úlfar fjármálastjóri
hafi farið með fullan skókassa af
reikningum í bankann og greitt upp
reikninga eftir loðnuvertíðina brosir
hann og segir: „Hann fyllti töskuna af
grænum greiðsluseðlum og rölti út í
banka með bros á vör.“
Nýir, stæltir
og sterkir bllar
til leigu
um land allt.
Við bjóðum nýja bíla, sem
uppfylla ströngustu kröfur Hertz,
á 6 stöðum á landinu. Þú getur
skilað bílnum á þeim afgreiðslu-
stað sem hentar þér best.
Reykjavík:
Aðalskrifstofa, Flugvallarvegi.
Reykjavíkurflugvöllur.
Sími 91-690500.
Akureyri:
Akureyrarflugvöllur.
Sími 96-22000.
Egilsstaðir:
Egilsstaðaflugvöllur.
Sími 97-11210.
Höfn:
Hornafjarðarflugvöllur.
Sími 97-81250.
Keflavík:
Flugstöð Leifs Eiríkssonar.
Sími 91-690595.
Vestmannaeyjar:
Vestmannaeyjaflugvöllur.
Sími 98-13300
Bílaleiga
23