Frjáls verslun - 01.10.1994, Blaðsíða 67

Flutningar:
SIGURÐUR
HELGASON,
FORSTJÓRI
FLUGLEIÐA
1. „Árið 1994 kom vel út og jafnvel
betur en við áttum von á í upphafi árs.
Við lögðum mikið upp úr því að
styrkja reksturinn á þessu ári og það
tókst með samstilltu átaki allra starfs-
manna. Ég geri ráð fyrir að fyrirtækið
skili hagnaði en tap varð á rekstrinum
1993. Töluvert fleiri útlendingar
komu til landsins en á fyrra ári og
ferðum íslendinga utan fjölgaði einnig
lítillega. Við náðum að sinna aukinni
eftirspurn án þess að bæta við ferð-
um. Sætanýting og framleiðni hefur
því verið betri en árið 1993. Auk
rekstrarhagnaðar hagnaðist fyrirtæk-
ið einnig töluvert á sölu flugvéla á
árinu.
2. Miðað við bókanir í ferðir og á
hótel sýnist mér allt benda til þess að
erlendum ferðamönnum fjölgi áfram á
næsta ári. í markaðslöndum okkar
hefur áhugi á ferðalögum til íslands
aukist og við verðum einnig vör við
aukinn áhuga á ferðalögum Evrópu-
búa til Bandaríkjanna og öfugt. Heild-
arsætaframboð hjá okkur verður
svipað og árið 1994 en við munum
gera breytingar á áætlun til að geta
fullnægt eftirspurn. Einnig eru að-
gerðir í gangi til að auka sölu utan
háannatímans. Ég er því þokkalega
bjartsýnn á framtíðina," sagði Sigurð-
ur Helgason.
Verslun:
ÓSKAR MAGNÚSSON,
FORSTJORI
HAGKAUPS
1. „Á þessu ári hefur ríkt mikil
spenna á smásölumarkaðnum. Ber-
sýnilegt er að neytendur eru óvenju
meðvitaðir um alla hreyfingu á verði í
kjölfar breytinga sem gerðar voru á
virðisaukaskatti á matvælum og var
verðlagseftirliti fylgt vel eftir af þeirra
hálfu. Verðlag á matvælum hefur ekki
hækkað og í sumum tilfellum lækkað.
Jafnvel þótt tilefni hafi verið til hafa
kaupmenn ekki treyst sér til að velta
hækkunum á heimsmarkaði út í verð-
lagið.
Tíðindi urðu í smásöluverslun á ár-
inu, t.d. var mikið barist á Akureyri
og ný verslunarmiðstöð varð til í
Holtagörðum þar sem Ikea og fleiri
fyrirtæki hófu starfsemi. í bóksölu
fyrir jólin kom í ljós að Hagkaup og
Bónus eru enn harðir keppinautar þó
að eignaraðild þeirra sé blönduð.
2. Ég býst áfram við harðri sam-
keppni á markaðnum á næsta ári. Enn
er óvissa um kjarasamninga og kosn-
ingaár framundan sem leiðir einnig af
sér óvissu um stjóm landsins.
í kjölfar GATT samninga verður
heimilt að flytja inn landbúnaðarvörur
í litlum mæli en enn er óvíst hvernig
að því verður staðið og há gjöld verða
lögð á þann innflutning. Ný lyfjalög
ganga í gildi á næsta ári þar sem sala á
lyfjum verður gefin frjáls að nokkru
leyti þótt enn eigi eftir að koma í ljós
hvort um raunverulegt frelsi verði að
ræða. Breytingar á áfengislögum eru
einnig væntanlegar. Þar verður smá-
salan þó áfram í höndum ÁTVR en ég
lít á þessar breytingar sem skref í átt
að því að létt vín verði selt í almenn-
um verslunum," sagði Óskar Magn-
ússon.
Fiskvinnsla og útgerð:
GUNNAR RAGNARS,
FORSTJÓRI Ú.A.
1. „Það sem einkenndi árið 1994 í
sjávarútvegi eru hinar miklu veiðar
utan landhelginnar og okkar vemd-
uðu fiskistofna. Þessar veiðar hafa
verið mikil búbót fyrir þjóðina enda
hefur afli sjaldan verið meiri.
í sölu á frystri loðnu og karfa kom í
ljós hvað við eigum sterkt sölukerfi.
Það tókst mjög vel að selja aflann sem
hlýtur að vekja athygli á því hvað sölu-
samtök okkar eru mikilvæg.
Hjá Ú.A. höfum við verið að endur-
nýja flotann og aðlaga hann flottrolls-
veiðum utan landhelgi. Við keyptum
nýtt og öflugt skip, Svalbarða, á árinu
og mér sýnist að í framtíðinni munum
við þurfa að sækja út fyrir landhelgi þó
að vissulega séu blikur á lofti í þeim
efnum.
2. Ég er hvorki svartsýnn né
bjartsýnn varðandi næsta ár en reyni
að vera raunsær. Sú mikla lægð sem
helstu nytjastofnar okkar eru í er auð-
vitað mikið áhyggjuefni og þar er ekki
bara um þorskinn að ræða heldur
einnig grálúðu, karfa og ufsa. Það er
full ástæða til að stíga fast á bremsuna
varðandi fiskvernd. Við verðum að
gæta okkar á að ávísa ekki á of mikinn
bata en leyfa honum að sýna sig fyrst.
Mér finnst mikilvægt að ná samn-
ingum við Norðmenn um veiðar í
Smugunni og vara við ofveiði á karfa á
Reykjaneshrygg þar sem allt of marg-
ir ætla sér að veiða. Þar þarf einnig að
semja á alþjóðlegum grunni,“ sagði
Gunnar Ragnars.