Frjáls verslun - 01.10.1994, Page 72

LIUA HRÖNN HAUKSDÓTTIR, COSMO
FOLK
Lilja Hrönn Hauksdóttir var adeins 22 ára þegar hún stofnaði verslunina Cosmo í
Kringlunni.
„í verslunum Cosmo í
Kringlunni og á Laugavegi
seljum við tískufatnað fyrir
konur á aldrinum 18 til 40
eða 50 ára. Ég tók þessa
stefnu þegar ég opnaði
verslunina í Kringlunni 1987
og þetta hefur gengið ótrú-
lega vel,“ segir Lilja Hrönn
Hauksdóttir en hún var
aðeins 22 ára þegar hún
stofnaði Cosmo.
Lilja Hrönn er 29 ára.
Hún hafði verið í Verslunar-
skóla íslands í eitt og hálft ár
þegar hún hætti því henni lá
svo á að takast á við h'fið. 16
ára byrjaði hún að selja
áskriftir á kvöldin hjá Frjálsu
framtaki og var orðin aug-
lýsingastjóri barnablaðsins
ABC rúmu ári seinna. Hún
vann um tíma á auglýsinga-
deild Morgunblaðsins, fór
svo til Danmerkur þar sem
hún ætlaði að læra almenn-
ingstengsl en fór þess í stað
að vinna í tískuverslun á
Strikinu.
„Ég kom heim haustið
1984 og gerðist auglýsinga-
stjóri á Mannlífi sem þá var
ný stofnað. Þar vann ég til
ársins 1986 þegar ég leigði
verslunina Lilju á Laugavegi
19 af móður minni og rak
hana þangað til ég opnaði
Cosmo,“ segir Lilja Hrönn.
FATNAÐUR FRÁLONDON
OG PARÍS
Móðir Lilju Hrannar rak
verslunina Lilju í Glæsibæ
og síðar á Laugavegi. „Ég
byrjaði 9 ára gömul að hjálpa
mömmu að taka vörur upp
úr kössum og taka til hend-
inni. Þegar ég hafði leigt
verslun hennar í eitt og hálft
ár langaði mig að prófa sjálf
og tók áhættuna. Það vissi
auðvitað enginn hvemig hið
nýja verslunarhúsnæði í
Kringlunni myndi koma út
en ég gerði allt, sem ég gat,
til að láta þetta takast og hef
uppskorið fyrir allt erfiðið.
Ari seinna, eða 13. ágúst
1988, opnaði ég Cosmo
verslun á Laugvegi 44 og í
því húsi eru einnig skrifstof-
ur, lager og heimili mitt.“
Lilja Hrönn segist hafa
byrjað á að kaupa inn fatnað
frá London, Amsterdam og
París. En framleiðendur
tískufatnaðar koma og fara
og undanfarið hefur verið
erfitt ástand í Amsterdam.
Vörur þaðan eru orðnar of
dýrar og nú verslar hún
mest í London og París.
HEIMA MEÐ SONINN
Á MORGNANA
Sambýlismaður Lilju
Hrannar er Freyr Jakobs-
son og hann vinnur með
henni í fyrirtækinu og fer
með henni í verslunarferðir.
Þau eiga 1 árs gamlan son.
„Eftir að Jakob Daníel
fæddist hef ég ekki verið
eins mikið í versluninni og
áður því við erum saman
heima á morgnana. Undan-
farin ár hef ég lifað og
hrærst fyrir fyrirtækið og
það verið mitt helsta áhuga-
mál.
Við Freyr höfum gaman
af að ferðast um hálendið á
vélsleða og stundum líka
siglingar. Mér finnst gaman
að byggja upp fallegt heimili
og ég hef gaman af að taka á
móti gestum," segir Lilja
Hrönn.
72