Frjáls verslun - 01.10.1994, Blaðsíða 36

ÁRAMÓTAHEIT
Frjáls verslun leggur til sex kjörin áramótaheit fyrir stjórnendur og
starfsmenn sína umþað hvernig þeir geti varið fjárhagslega framtíð
1.
HÆTTU AÐ
REYKJA
>
Að hætta að reykja er algengasta
áramótaheit allra tíma. Það er auðvit-
að algengt vegna þess að flestir falla á
reykingabindindinu. Hinn frægi
bandaríski rithöfundur, Mark Twain,
mun hafa orðað það þannig að það
væri enginn vandi að hætta að reykja,
hann hefði gert það þúsund sinnum.
Reykingar eru ekki aðeins skaðleg-
ar heilsunni heldur eru þær einnig
þrætuepli á mörgum vinnustöðum og
valda oft deilum og slæmum vinnu-
anda. Mörg fyrirtæki hafa á undan-
fömum árum sett reglur um bann við
reykingum á vinnustöðum - oftar en
ekki að undangengnum kosningum á
meðal starfsmanna.
í stað algers reykingabanns á
vinnustöðum er vænlegra að útbúa
sérstakt reykingaherbergi fyrir
starfsmenn og leyfa reykingar ein-
göngu á þeim eina stað innan fyrir-
tækja. Raunar eru mjög skiptar skoð-
anir á sérstökum reykingaherbergj-
um á vinnustöðum. Með þeim er þó
farið bil beggja sjónarmiða. Best er
auðvitað að vera ekki háður reyking-
um á vinnustað.
Stjómendur og fólk í viðskiptalíf-
inu, sem hættir að reykja, eykur þrek
sitt og úthald í starfí. Einnig getur það
vænst lengri starfsævi fyrir vikið.
Þetta kemur fólki til góða í harðnandi
samkeppni í íslensku atvinnulífi. Við
þetta bætist að eftir því sem fleiri
vinnustaðir setja reglur um algert
bann við reykingum geta reykingar,
einar og sér, útilokað fólk frá störf-
um. Það er slæmt á tímum atvinnu-
leysis.
Hættu að reykja. Framtíðarsýnin er
sú að heilsa manna verði meira á
„eigin ábyrgð“.
Framtíðarsýn er vinsælt orð í
stjómun. Skoðum framtíðina.
Hvemig bregðast stjórnmálamenn
framtíðarinnar við stöðugum fjárlaga-
halla? Hvernig ætla þeir að verja vel-
ferðarkerfið?
Kostnaður við heilbrigðisþjónustu í
vestrænum ríkjum hefur stóraukist
síðasta áratuginn. Kröfur um sparnað
og niðurskurð í heilbrigðisþjónustu
skjóta æ oftar upp kollinum. Jafnframt
eru háværari raddir um að millistéttin
og þeir efnameiri taki aukinn þátt í
kostnaði. Telja verður afar líklegt að
stjómmálamenn í hinum vestræna
heimi auki, fremur en hitt, hlut sjúkl-
inga í kostnaði við heilbrigðisþjónust-
una næsta áratuginn til að draga úr
ríkisútgjöldum — og veija velferðar-
kerfi frá hruni og algerum niður-
skurði.
Framtíðarsýnin er því sú að heilsa
manna verði meira á „eigin íjárhags-
lega ábyrgð“ ef svo má að orði kom-
ast. Vegna þess ráðleggjum við fólki
að hætta að reykja og huga að hollara
lífemi. Hugsið meira um heilsu og
heilsuvernd og spyrjið hvað sé heilsu-
samlegt og hvað ekki. Gefið matar-
æði einnig sérstakan gaum. Grípið til
eigin forvarna í nútíð til að forðast
heilsubrest í framtíð. Kaupið slysa-
Sjúklingar munu íframtíðinni taka aukinnþátt í heilsugæslu. Með öðrum
orðum; heilsan verður meira á„eigin fjárhagslega ábyrgðu
TEXTI: JÓN G. HAUKSSON MYNDIR: BRAGIJÓSEFSSON
36
i