Frjáls verslun - 01.10.1994, Blaðsíða 55
NESTORINN í TÖLVUBRANSANUM
Frosti nýtur talsverðrar virðingar
meðal kollega sinna í tölvugeiranum
og nýtur þar langrar starfsreynslu
sinnar og fjölbreyttari menntunar en
tíðkast hefur á seinni árum. Hann er
stundum kallaður Nestor ís-
lenskra tölvugrúskara meðal
yngri manna og nýtur virðingar
samkeppnisaðila fyrir ábyrg og
sanngjörn vinnubrögð. Hann
leggur sig allan fram við rekst-
ur fyrirtækisins og vinnudag-
urinn verður iðulega lang-
ur.
Frosti er sagður góður yfir-
maður sem á þó vanda til þess
að fylgjast of náið með undir-
mönnum sínum á köflum.
Hann er gífurlega mikill sölu-
maður og er alltaf að selja. I
hans forgangsröð er viðskipta-
vinurinn númer eitt en allt ann-
að kemur þar á eftir. Kunnugir
segja að Frosti skilji vinnuna
aldrei við sig og sé alltaf á vakt-
inni gagnvart hugsanlegum
viðskiptum.
Gagnvart undirmönnum
sínum er hann jafnlyndur og
kurteis og skiptir sjaldan
skapi. Hann fylgist mjög vel
með þeim en á einnig til að fela
þeim ákveðin verkefni og gefa
þeim þá lausan tauminn. Hann
er ótvíræður yfirmaður sem
getur þó slakað á í þeim litla
hópi sem starfar hjá HP. Fyrir-
tækið gerir nokkuð vel við starfs-
menn sína eins og hátt meðaltal launa
ber með sér og árshátíð/jólaglögg HP
í haust var haldið í Amsterdam með
mökum að hluta á kostnað fyrirtækis-
ins.
„Hann er minnugur en ekki lang-
rækinn,“ segir Birgir Sigurðsson,
fjármálastjóri HP. „Hann er farsæll í
starfi eins og góð staða og afkoma HP
bera með sér.“
Þetta er lunkinn og þrautreyndur
tölvumaður sem slær samt ekki mjög
um sig með þekkingu sinni. „Ég hef
reynt hann að því að vera prinsip-
mann sem er varkár í viðskiptum og
virðist illa við að taka áhættu. Hann
getur verið mjög stífur á sinni mein-
ingu og hikar ekki við að láta menn
hætta hjá sér ef virkilega hart mætir
hörðu, “ segir tölvumaður í samtali við
blaðið.
Meðal kunningja Frosta í tölvu-
bransanum má nefna Bjarna Júlíusson
sem nú starfar sjálfstætt en vann áður
hjá HP, Rúnar Sigurðsson í Tækni-
val, Jón Þór hjá Skýrsluvélum ríkis-
ins, Skúla Eggert Þórðarson skatt-
rannsóknarstjóra svo fáir séu nefndir.
Hann kemur ókunnugum fyrir sjón-
ir sem formfastur og alvörugefinn.
Ábyrgðartilfinning, reglufesta og
skipulag eru ríkir og áberandi
þættir í fari hans og hann tem-
ur sér ráðsetta framkomu.
„Hann er ekki maður sem slær
um sig með bröndurum, háv-
aða og skjalli. Hann vinnur á
öðrum nótum,“ sagði maður
sem þekkir hann vel. „Hann
kemur fram sem traustvekj-
andi og heiðarlegur maður sem
leggur talsvert upp úr því að
standa við það sem hann segir. “
„Það hefur alltaf verið gott á
milli okkar,“ sagði Valdimar
Bergsson, bróðir hans. „Það
eina sem við erum alltaf ósam-
mála um er hvor okkar sé betri
í skák.“
„Hann er heiðarlegasti og
traustasti maður sem ég
þekki,“ segir Kristmundur Ás-
mundsson, vinur hans og
æskufélagi.
Þannig sýnir nærmyndin af
Frosta okkur reglusaman
vinnuhest sem er gæddur rík-
um sjálfsaga og góðri greind.
Þetta er maður sem vinnur
skipulega að settu marki og vill
gjarnan sjá árangur verka
sinna.
Frosti leikur skvass og skokkar og er í mjög góðri
líkamlegri þjálfun. Hann tók þátt í hálfmaraþon-
hlaupi í Reykjavíkurmaraþoni sumarið 1992.
Í CG
£
■ BEINT
UMHVERFISMÐHAbD
Það er vitað að I IRJEHSIT
UMHVERFI cykur
VELLIE5ANI Fólks, bæði
STARFSMANNA
VIÖSKIPTAVINA, aukinni
velliðan tylgja inciri
AFKÖST
bæ:tt andrúmsloft.
Þetta þýðir BETRI ftVlYrsrT>
fyrirtækisins og
AUICIN VIÐSKIPTI.
Ertu sammála okkur ? Hringdu jxá í okkur í sírna 884020
og í sameiningu bætum við vinnuumfverfi þitt.
Við notum eingöngu viðurkcnndar, umhverfisvænar ræstingavörur,
og höldum kostnaði niðri með jxví að byggja fyrirtækið upp cftir
"flat network" hugmynd. Rifum piramídana !
Hrcinr og Beint hefur scö um reglubundnar ræstingar hjá
smáum sem stórum fyrirtækjum siðan 1989.