Morgunblaðið - 08.12.2001, Blaðsíða 42

LISTIR
42 LAUGARDAGUR 8. DESEMBER 2001 MORGUNBLAÐIÐ
ANNA Dóra Theodórsdóttir heit-
ir íslensk myndlistarkona sem
hefur haslað sér völl í Frakklandi
með myndlist sinni. Anna Dóra
segist ekkert vita hvernig það
æxlaðist að hún ílentist í Frakk-
landi og fór að mála myndir. „Ég
hef búið með tveimur frönskum
listamönnum,“ segir Anna Dóra,
„og það hefur kannski ýtt á eftir
mér. Annars teiknaði ég mjög
mikið þegar ég var lítil, og mál-
aði myndir í huganum.“
Anna Dóra hefur haldið fjölda
sýninga í Frakklandi á síðustu ár-
um og fengið mjög góða dóma
fyrir verk sín, sem hafa vakið
mikla athygli. En hún kemur víð-
ar við. „Ég er núna að vinna með
Bernadette Chirac forsetafrú að
góðgerðarstarfsemi. Ég á að
mála verk sem eiga að fara á
veggi franskra sjúkrahúsa og í
hús fyrir foreldra langveikra
barna. Það var mikil heppni að fá
að gera þetta.“ Anna Dóra ítrek-
ar að það sé heppni sem hafi
fleytt henni svo vel áfram í
frönskum myndlistarheimi, og er
hógvær gagnvart þeirri vel-
gengni sem hún nýtur. Hún býr á
pínulítilli eyju, Belle-Île, eða Fag-
urey, við sunnanverðan Bretagne-
skagann. „Þetta er hérumbil eins
og Ísland en bara pínulítið.“
Myndefni Önnu Dóru á síðustu
árum hefur gjarnan verið tengt
ströndinni og bátum í fjöru. „Ég
er nú hætt að fást við ströndina;
þetta voru myndir sem seldust
vel, en nú er ég að fást við allt
aðra hluti og mála meira eitthvað
sem tengist samtíma okkar.“
Í dag stendur yfir sýning á
verkum Önnu Dóru í galleríi á
Bretagne-skaga, auk þess sem
hún sýnir árið um kring í vinnu-
stofu sinni á Fagurey. „Svo stend-
ur fyrir dyrum sýning í galleríi í
París, en það var góður við-
skiptavinur sem keypti af mér
myndir í sumar sem stóð fyrir því
að koma mér þangað inn. Það var
mikil heppni.“
Heppni eða eitthvað meira, það
fá Íslendingar að sjá með eigin
augum, því nýjustu myndir Önnu
Dóru verða til sýnis í galleríi
Smíðum og skarti á Skólavörðu-
stíg á sýningu sem opnuð verður
fljótlega eftir áramót. Þar verður
mynd af Björk sem Anna Dóra
kallar Rætur. „Björk hefur svo
sterkar rætur og þess vegna er
hún svona góð.“ Meðal annarra
mynda á sýningunni í Smíðum og
skarti verða málverk af konum í
Afganistan, og myndir frá New
York, málaðar í sumar og í haust.
Anna Dóra sýndi aldrei á Ís-
landi áður en hún fór utan. Hún
var í Fiskvinnsluskólanum þegar
kallið kom og hefur búið í Frakk-
landi í tuttugu ár. Hún gaf út
unglingabók fyrir nokkrum árum
og segist líka hafa verið að sinna
barnastússi. „En nú er það bara
myndlistin, ég geri helst ekkert
annað en að mála.“
Íslensk myndlistarkona nýtur velgengni í Frakklandi
„Ég geri helst ekkert annað en að mála“
Anna Dóra Theodórsdóttir á Fagurey. Afganskar konur.
Ein af fjörumyndum Önnu Dóru.
NÆSTU tvo laugardaga og sunnu-
daga býður Borgarleikhúsið uppá
Jólagaman á Nýja sviði leikhússins í
samstarfi við Kringlusafn Borgar-
bókasafnsins og Kringluna og hefst
dagskráin kl. 17. Þetta er jóladagskrá
fyrir börn og fleira fólk í jólaskapi.
Grýla, Leppalúði og jólasveinarnir
koma í heimsókn og segja sögu sína.
Dagskráin er um 45 mínútna löng,
byggð á jólakvæðum Jóhannesar úr
Kötlum. Að auki syngur Edda Heið-
rún Backman lög af nýrri hljómplötu,
og Sigrún Edda Björnsdóttir kemur í
heimsókn og les úr bókinni um hana
Bólu.
Að dagskránni lokinni verður dans-
að í kringum jólatré.
Leikararnir sem þarna koma við
sögu eru Árni Pétur Guðjónsson,
Ásta Sighvats Ólafsdóttir, Edda
Heiðrún Backman, Ellert A. Ingi-
mundarson, Guðrún Ásmundsdóttir,
Margrét Helga Jóhannsdóttir, Ólafía
Hrönn Jónsdóttir, Ólafur Guðmunds-
son, Pétur Einarsson og Sigrún Edda
Björnsdóttir.
Umsjón með dagskránni hefur
Guðjón Pedersen.
Jólagaman
í Borgar-
leikhúsinu
GJÖRNINGAKLÚBBURINN / The Ice-
landic Love Corporation opnar sýningu á
nýjum verkum í galleríi@hlemmur.is,
Þverholti 5, í dag kl. 17.
Síðasta sumar dvaldi Gjörningaklúbb-
urinn í gestavinnustofu í Finnlandi. Þar
gerðust dularfullir hlutir sem meðlimir
klúbbsins eru enn að vinna úr. Gjörninga-
klúbbinn skipa myndlistarmennirnir Ei-
rún Sigurðardóttir, Jóní Jónsdóttir og
Sigrún Hrólfsdóttir. Þær útskrifuðust all-
ar úr Myndlista- og handíðaskóla Íslands
1996 og stunduðu framhaldsnám í Berlín,
Kaupmannahöfn og New York en eru nú
allar búsettar á Íslandi.
Í Finnlandi komust þær meðal annars í
kynni við fjölfróðan svartklæddan Íra,
Francis McKee, sem hóf að skrifa vafa-
samar sögur um stúlkurnar.
Á næsta ári kemur út bók með sögunum
og áður óbirtum myndum frá ferli klúbbs-
ins, sem nú er að hefja sitt sjöunda starfs-
ár.
Galleríið er opið fimmtudaga til sunnu-
daga frá 14-18 og stendur sýningin til 6.
janúar.
Gjörninga-
klúbburinn
á Hlemmi
Morgunblaðið/Kristinn Ingvarsson
Gjörningaklúbburinn í galleríi@hlemmur.is.