Réttur - 01.01.1968, Blaðsíða 44

Spurðu mig ei um þá hvítþvegnu hönd
sem herðist að smælingjast kverk
og miðar sinn kærleik og mannúð við það
að morðið sé réttlætisverk.
Spurðu mig ei: Hví er ein þjóð svo snauð,
og önnur svo voldug og sterk?
Ég get ekkert um það sagt þér, sonur minn,
því svarið veit aðeins vindurinn.
Spurðu mig ei um hvenær endar það stríð
sem eldi um skógana slær
og eitrinu spýr um þau akurlönd
þarsem iðgræn hrísplantan grær.
Spurðu mig ei hvað sá unglingur hét
sem einmana féll þar í gær.
Ég get ekkert um það sagt þér, sonur minn,
því svarið veit aðeins vindurinn.
Sniðið og stælt eftir „Blowin’ in the wind“
Jónas Árnason.