Réttur - 01.04.1972, Blaðsíða 21
Þrír helztu baráttumenn kommúnista talið frá vinstri: Lúðvik Jósepsson, Bjarni Þórð-
arson, Jóhannes Stefánsson.
II.
STARFSEMI
NORÐFJARÐARDEILDAR KFÍ
KOMMÚNISTADEILDIN
STOFNUÐ
Það var 12. janúar 1932 að stofnfundur Norð-
fjarðardeildar Kommúnistaflokks íslands var hald-
inn og boðaði Gunnar Benediktsson til hans. Ekki
er getið um fundarstað, en fundurinn var haldinn
heima hjá einhverjum félaganum líklega á Strönd
hjá Sigríði Jónsdóttur. Fundir voru jafnan haldnir
i heimahúsum til skiptis hjá þeim félögum, sem
gátu hýst fundi, nema þegar deildin hafði fundar-
hús á leigu og síðar verður að vikið.
Ekki verður heldur séð hve margir stofnendur
voru, en 7 eru nefndir á nafn i fundargerðinni og
varla hafa þeir verið fleiri en 10. Ég man ekki
betur en að a. m. k. einn maður, sem ekki er
nefndur í fundargerðinni, Guðmundur Guðmunds-
son, vélstjóri, hafi verið stofnandi.
I fyrstu stjórn deildarinnar voru kosnir:
Formaður: Bjarni Þórðarson. Ritari: Einar Sveinn
Frímann. Gjaldkeri: Ingimann Ólafsson. Meðstjórn-
endur: Sigríður Jónsdóttir og Sigmar Sigurðsson.
Aðrir félagar, sem nefndir eru í stofnfundar-
gerðinni, eru Sveinn Sveinsson og Guðný Þórðar-
dóttir.
Á þessu stofnári deildarinnar bættust henni sex
nýir félagar og komu þrír þeirra mikið við sögu
deildarinnar eftir það, þeir Hermann Jónsson,
Sveinn Magnússon og Valdimar Eyjólfsson.
Þrír, sem mikið komu við sögu hreyfingarinnar
á þessum áratug, voru ekki með i stofnendahópn-
um: Vigfús Guttormsson, sem aldrei gekk í flokk-
inn, en vann með okkur, Lúðvik Jósepsson var við
nám í Menntaskólanum á Akureyri, er deildin var
69