Réttur - 01.04.1972, Blaðsíða 2
í gegn, — að þeir vilja hnýta örlög Islands við þá æfintýrapólitík amerískra
kosningatrúða, sem ógnar tilveru mannkynsins.
Blóðríki Norður-Ameríku magnar nú morð sín í Víetnam, til þess að hefna
á konum, börnum og sjúklingum ófara spillts lepphers síns á vígvöllunum
fyrir hetjuher þjóðfrelsisins. Aðgerðir blóðríkis* þýzka auðvaldsins urðu að
lokum til að sameina Sovétríkin og Vesturveldin gegn nazismanum. Það er
vissulega tími til kominn að ógnarstjórn ameríska auðvaldsins sameini Sov-
étríkin og Kína — og fleiri öfl — gegn vá þeirri sem vofir yfir gervöllum
heimi frá vitfirrtum ofstopa amerísks auðvalds.
Hér heima magnar afturhaldsarmur íhaldsins lýðskrum sitt að Hitlers hætti,
lofar sem Göbbels forðum atvinnurekendum lægra kaupi, verkamönnum
kauphækkun, — verzlunarvaldi aukinni álagningu, alþýðu minnkandi dýrtíð,
— allt í sömu andránni. Og þetta gera þeir herrar hrollvekjunnar, sem framið
hefðu nýja gengislækkun og þrælalög, hefðu þeir haldið völdum 1971. Þeir
virðast búnir að gleyma verkum sínum: gengislækkunum og kaupránslögum
1960 og 1961 eftir kosningar 1959, — og aftur 1967 og1968, eftir kosningar
sumarið 1967. Nú óskapast þeir fyrst hluti af þeirra dýrtíð sleppur í gegn.
Og fyrst þeir fá ekki að seija sín þrælalög, þá þyngja þeir byrðar alþýðu sem
frekast þeir mega á öðrum sviðum þar, sem þeir enn ráða. Gegn þessum
herrum þarf alþýðan að vera á verði og knýja fram vægðarlausan niðurskurð
á þeirri yfirbyggingu þjóðfélagsins, sem þeir lifa á og græða á: verzlunar-
bákninu, verðlagssvindlinu, vátryggingarfarganinu, og öllu óhófi yfirstétt-
arinnar.
Áskrifendum Réttar hefur fjölgað mjög, einkum meðal ungs fólks. Enn fá
þó nýir áskrifendur er þess óska, fyrri árganga nýja Réttar á 100 kr. árgang-
inn, er þeir hafa greitt yfirstandandi árgang, — þó kostar árgangurinn 1967
200 kr. En óðum saxast nú á birgðirnar, svo óvíst er hve lengi það boð stend-
ur. — Væri nú vel að svo fjölgaði áskrifendum, að auka mætti upplagið og
möguleikar yrðu á að gera heftin stærri og efnismeiri.
Áskrifendur eru góðfúslega beðnir að athuga að nú verður reynd ný inn-
heimtuaðferð fyrir Rétt utan Reykjavíkur, — sem sé að fá áskrifendur til
að borga áskriftagjaldið inn á giroreikning Þjóðviljans, sem er:: hlaupa-
reikningur 276 við Vegamótaútibú Landsbankans í Reykjavík. Verða þessum
áskrifendum sendir giroseðlar, sem hægt er að borga inn á í hvaða pósthúsi
eða bankaútibúi sem er.
Maí 1972.
„Blóðríki" — der Blutstaat — er orðið, sem T. Mann notar um riki Hitlers í ,,Dr. Faustus".