Réttur - 01.04.1972, Page 1

lettur
55. árgangur
1 97 2 — 2. hefti
Fallinn er fullhuginn mikli, — eldsál rismestu kynslóðar islenzkrar menning-
ar, — frelsisboði þeirrar kynslóðar íslenzkrar alþýðu, sem sigurinn vann
í þúsund ára stríði hennar við fátæktina. Jóhannes úr Kötlum hefur kvatt oss,
— en Ijóðin hans lifa og magnast, fara eldi um sál þeirrar kynslóðar, sem
frelsar ísland, — allar eggjanir hans öðlast æðra veldi, þegar hælbit smá-
mennanna ná ekki lengur til hans. Það, sem Jónas og Bjarni voru einni kyn-
slóð íslendinga, Steingrimur og Matthías annari, Þorsteinn og Stephan G.
hinni þriðju, — það verður Jóhannes úr Kötlum þeirri kynslóð, sem fylla skal
tómið í sálinni, sigrast á andlegri niðurlægingu mannsins með því að endur-
nýja hugsjón sósíalismans „í hreinsunareldi morgunsólar11 og alefla æsku
og alþýðu svo þau megni að „frelsa heiminn,“ láta hugsjón sína verða veru-
leika, verðugan draumsýninni miklu.
* ★ *
Stjórnmálaþróun heimsins nálgast hættustig heimsstyrjaldar, ef ofstopa-
menn amerísks auðvalds réðu einir ferðinni. Þegar menn, sem á örlaga-
stundum mannkynsins láta stjómast af taumlausum metnaði og hroka, ráða
gerðum vélvæddustu yfirstéttar heims, sem eingöngu lætur leiðast af hams-
lausri gróðafíkn, þá getur tilvera allra manna á jörðunni vissulega oft hangið
á blæþræði. Nixon dinglar nú sem kólfur fram og aftur í algeru jafnvægis-
og ábyrgðarleysi úr hlutverki raunsæismannsins í Peking yfir í afstöðu of-
stækismannsins, sem stigmagnar svo stríðið í Víetnam að við stríðshótun
liggur gegn Sovétríkjunum og Kína.
Og til eru ábyrgðarleysingjar á íslandi, staurblindastir allra blindra, af því
Morgunblaðsbindið fellur svo þétt að augum þeirra, að engin skíma kemst