Morgunblaðið - 15.10.2006, Side 73

MORGUNBLAÐIÐ SUNNUDAGUR 15. OKTÓBER 2006 73
VIÐ
ERUM
KOMIN
Þessi orð eru rituð í Fær-eyjum, en ég er staddur íríkisútvarpi eyjaskeggja
þar sem mér var úthlutað hinni
prýðilegustu aðstöðu til skrifta.
Ég og Freyr Eyjólfsson, vinur
minn og einn af þáttagerð-
armönnum síðdegisútvarpsins á
Rás 2, erum hérna saman en við
vorum kvaddir hingað sem dóm-
arar af ráðamönnum færeysku út-
gáfunnar af Global Battle of the
Bands (www.gbob.com/fro/).
Keppni þessi hefur og verið hald-
in á Íslandi, en sigurvegarar
hvers lands fara svo til London í
úrslitakeppni.
Meðfram þessu erum við að
viða að okkur fréttum og anda að
okkur menningarlífinu. Ástarsam-
band mitt við Færeyjar hefur
væntanlega ekki farið fram hjá
mörgum, en ég er gersamlega
heillaður af landi og þjóð og nota
hvert tækifæri til að „auglýsa“
eyjarnar átján.
  
Það er gott að vera Íslendingurí Færeyjum, manni er nánast
tekið sem þjóðhetju í hvert sinn
sem maður kemur hingað. Ég og
Freyr óðum hingað inn í útvarpið
með íslenskum látum og var strax
tekið eins og við værum áratuga
gamlir starfsmenn, allt fyrir okk-
ur gert. Við erum hreinlega
hrærðir yfir þessu.
Það hljómar kannski skringi-
lega, en maður kemur aldrei að
tómum kofanum hér. Það er alltaf
allt að verða vitlaust finnst
manni. Ég og Freyr erum búnir
að vera duglegir við að kynna
keppnina fyrir vin okkar, Jón Ty-
ril sem fer með öll völd þar. Fór-
um í sjónvarpsviðtal þar sem við
töluðum hrognaskandinavísku og
í tvö útvarpsviðtöl, eitt hjá sjálf-
um James Olsen, sem fer mikinn í
færeysku menningarlífi, og þá á
fleiri en eina vegu. Olsen var eitt
sinn trommari hjá Pöpunum og
mikill stuðkarl og fór svo að við
sungum nokkur færeysk kvæði
með honum í morgunþættinum
hans.
Keppnin, sem hefst á föstudegi
(þetta er skrifað eftir hádegi á
föstudegi) fer fram í hinu ágæta
Mentanarhúsi í Fuglafirði. Ég
skýt kannski öðrum pistli að eftir
að henni lýkur og væntanlega á
fleiri ævintýr eftir að reka á
fjörur okkar félaganna.
  
Iðulega er grámóskulegt yfirFæreyjum, og maður skilur vel
hvaðan Heinesen fékk innblást-
urinn og hvaðan þessi undirliggj-
andi, fallega melankólía sem ein-
kennir mikið af tónlistinni hér er
sprottin. Nú um stundir er grá-
móskan yfirþyrmandi, og ástæðan
skelfilegur atburður sem skók
þetta litla samfélag fyrir stuttu.
Einn af kærum tónlistarvinum
mínum hér, Rasmus Rasmussen,
gítarleikari Makrel, var laminn í
klessu á dögunum af óþokkum og
ástæðan sú, að Rasmus er sam-
kynhneigður. Í kjölfarið var hon-
um hótað lífláti og hann dvelur
nú á geðsjúkrahúsi eftir að hafa
fengið taugaáfall og ku hafa
reynt sjálfsvíg. Ég og Freyr erum
eiginlega í áfalli yfir þessu, eins
og allir Færeyingar. Ýmislegt í
samfélagsmunstrinu hér er aftan
úr steinöld, og staða samkyn-
heigðra afar slæm. Þjóðarvitundin
um þau mál vægast sagt íhalds-
söm. Við Freyr höfum verið að
impra á þessu við Færeyinga,
þykjumst kíkja á úrin og okkar
og segjum hæðnislega: „Hei, vitiði
hvað? Það er 21. öldin!“ En að
öllu gríni slepptu, vonar maður
innilega að frændur okkar fari nú
að taka sig saman í andlitinu hvað
þessi mál varðar. Það er hægt að
lesa nánar um þetta atvik hér:
www.ruv.is/poppland.
arnart@mbl.is
Kynlíf, skerpukjöt
og rokk og ról
» „… fór svo að viðsungum nokkur fær-
eysk kvæði með honum í
morgunþættinum.“
Færeyjar Marius er ein
af þeim sveitum sem
tekur þátt í Global
Battle of the Bands.
AF LISTUM
Arnar Eggert Thoroddsen
Fáðu úrslitin
send í símann þinn