Fréttablaðið - 29.08.2009, Qupperneq 58

8 matur
Hver fiskitegund hefur sinn árstíma og nú er laxinn upp á sitt besta,“ segir Snorri
Birgir Snorrason, eigandi Brauð-
bæjar. Hann hefur haft umsjón
með veiðihúsinu við Haffjarðará
undanfarin sumur og veit hvað
hann syngur. Þar veiðir hann
stundum sjálfur í soðið og viður-
kennir að það sé jafnvel enn meira
sport en að gæða sér á aflanum
enda hefur hann stundað laxveiði
í um tuttugu ár. „Þetta er án efa
áhugamál númer eitt.“
Snorri er hrifinn af öllu sjávar-
fangi og nefnir þorskhnakka, smá-
lúðu, hlýra, steinbít og rauðsprettu.
„Ég mun þó leggja höfuðáherslu á
laxinn eitthvað fram í september
en síðan taka aðrar tegundir við og
með haustinu kemur flatfiskurinn
sterkur inn.“
Eins og gefur að skilja hefur
Snorri prófað sig áfram með fjöl-
marga laxarétti og gefur lesend-
um uppskrift að fylltri laxarúllu
með romain-salati og balsamik-
gljáa. „Þetta er einfaldur réttur
sem krefst þó smávegis undirbún-
ings en matreiðslan er aðeins frá-
brugðin því sem gengur og gerist
og gæti fólki þótt gaman að prófa
eitthvað nýtt.“
Að sögn Snorra eru útlendingar
sérstaklega sólgnir í laxinn á
Brauðbæ en þar hefur hann boðið
upp á villtan lax í allt sumar.
„Síðan er ég með íslenskt lamb og
nautakjöt enda reynum við að hafa
sem minnst innflutt í anda dagsins
í dag. Við reynum að halda okkur
sem næst upprunanum og laga allt
frá grunni,“ segir hann og snýr sér
að eldamennskunni að nýju. - ve
Lax veiðimannsins
Snorri segir réttinn einfaldan þótt hann
krefjist smávegis undirbúnings.
LAXAFARS
150 g lax
1 eggjahvíta
1 dl rjómi
½ tsk. rifið engifer
½ tsk. mangóchutney
½ tsk. rifinn hvítlaukur
1 tsk. söxuð steinselja
Allt sett í mat-
vinnsluvél og
maukað
vel.
LAXARÚLLA
640 g laxaflak (roðlaust og
beinlaust)
Laxinn er skorinn í 4 parta, bar-
inn léttilega og farsið sett í
miðjuna og laxinum rúllað upp
í plastfilmu og lokað vel. Rúllan
er þá sett í sjóðandi vatn og
soðin við vægan hita í 8-10 mín-
útur.
ROMAIN-SALAT
1 stk Romain-salat
2 msk. ólífuolía
1 tsk. sesamfræ
Skorið gróft og soðið í 2 mín-
útur í léttsöltu vatni. Sett í sigti
og látið leka af því. Kryddað
með ólífuolíu og sesamfræjum.
BALSAMIKGLJÁI
½ l kjötsoð
½ bolli balsamikedik
Soðið niður í 10-12 mínútur.
FYLLT LAXARÚLLA MEÐ ROMAIN-SALATI OG BALSAMIKGLJÁA
Fyrir fjóra
Fyllt laxarúlla með romain-salati og balsamikgljáa. FRÉTTABLAÐIÐ/ARNÞÓR
Snorri Birgir Snorrason, eigandi Brauðbæjar, hefur stundað laxveiði í tuttugu ár.
Hann segir að villti laxinn sé bestur á bragðið á þessum tíma ársins.
Veitingastaðurinn Saffran í Glæsibæ annar ekki eftirspurn og verður
því opnaður nýr staður á Dalvegi 4 í Kópavogi á sunnudag.
Austurlensk stemning er yfir bæði útliti og matreiðslu staðarins, en
Saffran hefur getið sér gott orð fyrir heilsusamlega rétti úr íslensku
hráefni, en saffran-kryddið sjálft er að sjálfsögðu innflutt.
Austurlenskur blær er einnig yfir nýja staðnum, sem Thelma Guð-
mundsdóttir innréttaði, líkt og þann við Glæsibæ. Veggirnir eru í
sterkum hlýjum litum, auk þess sem viðarklæðning gefur notalegt
yfirbragð. Þá prýða myndir Áslaugar Snorradóttur veggi staðarins, en
þær eru teknar á ferðalögum hennar um Indland og Marokkó.
Kokkarnir á Saffran koma víða að og hefur það sjálfsagt áhrif á
alþjóðlegt yfirbragðið. Jamil Jamchi, annar eigenda staðarins, ásamt
Hauki Víðissyni, er hálfur Persi og hálfur Bandaríkjamaður en einnig
starfa kokkar frá Írak og Sýrlandi. - kbs
SAFFRAN Í KÓPAVOGI
Heitir litir og framandi matargerð
heilla á veitingastaðnum Saffran.
VEITINGASTAÐURINN
A
Blaðberinn
bíður
þín
Þú færð Blaðberann þinn í Skaftahlíð 24
alla virka daga frá kl. 8-17.
...góðar fréttir fyrir umhverfiðBlaðberinn...