Andvari - 01.01.1977, Blaðsíða 12

10
GUÐMUNDUR DANÍELSSON
ANDVARI
Vel væri hægt að lengja til muna afrekaskrá ættmenna Egils í Sigtún-
um, þá sem dr. Helgi Pjeturss tilfærir hér að framan. Til dæmis mætti í
því sambandi nefna tvo bræður Helga Agústssonar, syni Móeiðar Skúla-
dóttur í Birtingaholti, þá Magnús lækni í Hveragerði, sem er fráhær söngv-
ari og músíkant, þó að hann hafi nýtt þá gáfu sína sparsamlega um ævina,
og síðast en ekki sízt Sigurð, sem er einn af fremstu tónskáldum þjóðar-
innar, en hefur auk þess verið góður hóndi í Birtingaholti, kennari á Flúð-
um og nú skólastjóri Tónlistarskóla Árnessýslu á Selfossi. Söngstjóri margra
ágætra kóra hefur hann verið frá æskuárum og fram á þennan dag, ný-
lega orðinn sjötugur. Meðal annars æfði hann og stjórnaði 130 manna
Þjóðhátíðarkór Arnessýslu árið 1974. Lét hann þann kór frumflytja þjóð-
hátíðarkantötu eftir sjálfan sig, fagurt og áhrifamikið tónverk, í tilefni
1100 ára afmælis byggðar í þessu landi.
Móðir Gests Einarssonar á Hæli, amma söngvaranna góðu, sona Gests,
Steinunn Vigfúsdóttir, var Thorarensen.
Því má einnig bæta hér við fróðleiksþátt og hugleiðingar dr. Helga um
Skúla lækni Thorarensen, sem myndin er af, að hann tók próf í hand-
lækningum í Kaupmannahafnarháskóla 1834, varð héraðslæknir í aust-
urhluta Suðuramts 4. júní 1834 og gegndi því emhætti til ársins 1869.
Hann varð alþingismaður Rangæinga strax á fyrsta ári þess eftir endur-
reisnina 1845, riddari af dannebrog 1862, kanzellíráð 1869, hjó að Mó-
eiðarhvoli og andaðist þar 1. apríl 1872. I Islenzkum æviskrám Páls Egg-
erts Olasonar segir svo um hann orðrétt:
„Búhöldur góður, höfðinglegur svo af har, hraustur og dugmikill, hrók-
ur alls fagnaðar."
Skúli var tvíkvæntur. Fyrri kona hans var Sigríður dóttir Helga kon-
rektors Sigurðssonar að Móeiðarhvoli. Þau eignuðust ekki börn saman.
Síðari kona Skúla var Ragnheiður Þorsteinsdóttir prests í Reykholti. Börn
þeirra voru: Þorsteinn hóndi Móeiðarhvoli, Sigfús bóndi Elróarsholti,
Grímur bóndi Kirkjubæ Rangárvöllum, Bjarni, sem drukknaði barnlaus
og ókvæntur í Markarfljóti, Idannes forstöðumaður Áfengisverzlunar rík-
isins. Dætur þeirra voru Sigríður gift Jóni hreppstjóra Árnasyni Vestri-
Garðsauka, Kristín gift Boga lækni Péturssyni Kirkjubæ, Steinunn gift
Magnúsi Helgasyni kennaraskólastjóra frá Birtingaholti og Ragnheiður
gift Adatthíasi kaupmanni Matthíassyni Holti Reykjavík.