Andvari - 01.01.1977, Side 133
ANDVARI
FRÁ BERNSKUTÍÐ SIGURÐAR SKÁLDS SIGURÐSSONAR
131
hann verði látinn í 1. bekk í vor, til þess
að hann leggi betur að sér. Ef honum þá
ekki er neitt sérlegt kappsmál að fara í
skólann í vor, þá má alltaf breyta þessu
og geyma það í eitt árið enn, svo framar-
lega sem þið eruð ekki orðin þreytt á
honum, og það væri mér sjálfum auðvitað
kærast, að hann væri hjá ykkur eitt ár
enn, því að ég álít það hollast fyrir dreng-
inn.
Ef það eru nokkrir erfiðleikar á því að
draga ferminguna fram í júní, þá skaltu
ekkert hugsa um það mín vegna.
7.3. 1893.
Séra Valdimar til Björns.
Elvað tekið verður fyrir með Sigga í
vor, má að líkindum bíða að fastákveða
þangað til i kringum ferminguna. Ég
vona annars, að hann verði fær til 1.
bekkjar, ef til kemur ... Eleldur er hann
farinn að sækja sig í latínunni í seinni
tíð.
20.3. 1893.
Björn til séra Valdimars.
Það er kappnóg, ef Siggi verður búinn
með 60-70 bls. í kennarabókinni auk
Hauchs í vetur, og er best að segja hon-
um, að það verði ákveðið, hvort hann eigi
að fara í skólann eða ekki, þegar búið sé
að ferma hann.
26.4. 1893.
Björn til séra Valdimars.
Ég hlakka nú til að fá bráðum að sjá
Sigga og vona þá að frétta nákvæmar af
ykkur.
27.4. 1893.
Séra Valdimar til Björns.
Ég býst, að þú munir ætla að láta
Sigga fá fermingarföt ... Mál eða snið
sendi ég þó ekki. Siggi er hérumbil jafn-
hár Öla, en nokkuð grennri.
1.5. 1893.
Björn til séra Valdimars.
Ég sendi nú fataefni handa Sigga í
því trausti, að það komi nógu snemrna
til þess að það verði saumað fyrir ferm-
inguna. Ég hafði haft þetta í hyggju, en
var í vandræðum, af því að ég vissi ekki,
hvað stór fötin áttu að vera, en úr því þú
segir, að það megi sauma fötin eystra, þá
er enginn vandi, og vil ég það heldur en
láta sauma fötin hér af handa hófi og
eiga á hættu, að þau verði ekki mátuleg.
Ég býst við, að einhver saumakona sé í
sveitinni, sem þið getið fengið til að
gera þetta, og ætla ég að biðja þig að
leggja út fyrir mig saumalaunin og gera
mér reikning fyrir. Ég vona, að ég hafi
sent allt, sem til fatanna þarf. Ég ætlast
til, að það séu jakkaföt. Hatt sendi ég
líka og stígvélaskó, sem ég vona, að séu
við hæfi handa Sigga.
Ég hef í hyggju að senda Sigga úr í
fermingargjöf, en get það ekki fyrr en
skipið (Laura) kemur ... Ég vona samt,
að ég geti komið því með póstinum. Ég
ætla að adressera það til þin og biðja þig
fá honum það eftir ferminguna, þegar
hann kemur úr kirkju. Ég býst ekki við,
að ég geti komið um hvítasunnuna, en
það gerir heldur ekki neitt til. Ég verð
hjá ykkur í anda. Margrét systir hefur
hálfvegin haft við orð að nota tækifærið
til að heimsækja ykkur, en ekki veit ég,
hvort úr því verður.
4.5. 1893.
Björn til séra Valdimars.
Rétt eina línu í viðbót við fyrra bréfið.
Innlagt bréf ásamt úrinu, sem fylgir,
ætla ég að biðja þig að afhenda Sigga
fermingardaginn, þegar hann kemur úr
kirkju. Um leið get ég ekki bundizt þess
að þakka þér fyrir alla þína fyrirhöfn og
umhyggju fyrir hans andlegu og líkam-
legu framförum. Þetta er það, sem við