Andvari - 01.01.1957, Blaðsíða 12

8
J. Eyþórsson
ANDVARI
Þessi voru börn þeirra Péturs og Jórunnar í Valadal:
1. Hannes, bóndi á Skíðastöðum.
2. Pálmi, bóndi á Sjávarborg, seinna kaupfélagsstjóri og loks
kaupmaður á Sauðárkróki, kvæntur Helgu Guðjónsdóttur
prests Þlálfdánarsonar.
3. Pétur, bóndi á Bollastöðum í Blöndudal, kvæntur Sigur-
björgu Guðmundsdóttur bónda s. st.
4. Jón, bóndi á Nautabúi og Eyhildarholti í Skagafirði,
kvæntur Sólveigu Eggertsdóttur Jónssonar prests á Mæli-
felli.
5. Halldóra, gift Ólafi Briem alþingismanni á Álfgeirsvöll-
um.
6. Herdís, gift séra Hálfdáni Guðjónssyni vígslubiskupi.
7. Steinunn, gift séra Vilhjálmi Briem, Reykjavík. Hún er
nú ein þeirra systkina á lífi.
8. Ingibjörg, kennslukona á Sauðárkróki. Giftist ekki.
Kappsemi, kraftar og drengskapur hafa verið talin ættar-
fylgja þeirra föðurfrænda Pálma Elannessonar í Skagafirði.
Móðurætt Pálrna á sínar sterkustu rætur í Húnavatnssýslu.
Ingibjörg Jónsdóttir, móðir hans, var fædd að Þóreyjarnúpi i
Línakradal (1857), en fluttist ung með foreldrum sínum að Haga-
nesi í Fljótum og ólst þar upp að mestu. Faðir liennar, Jón
Eiríksson, var ráðsmaður hjá Sveini bónda Sveinssyni í Haga-
nesi. Jón var Þingeyingur að ætt. Móðir Ingibjargar, Sigurlaug
Engilbertsdóttir, var ættuð úr Miðfirði og Vesturhópi. Má rekja
ætt hennar til Guðmundar Björnssonar Skagakóngs að Höfnum
og Auðúlfsstöðum, en hann var langafi séra Arnljóts Ólafssonar
og langalangafi Björns rektors Ólsens.
Þegar Ingibjörg var stálpuð orðin, fluttist hún til frænd-
fólks síns í Höfðahverfi við Eyjafjörð. Síðan var hún við nám
í Laugalandsskóla og fyrst á eftir ráðskona við heimavist skólans.
Þaðan fluttist hún vestur að Álfgeirsvöllum í Skagafirði, en þar
bjuggu þá Pétur frá Valadal og tengdasonur hans, Ólafur Briem-
Þar giftist lnin Hannesi Péturssyni, sem fyrr segir.