Andvari - 01.01.1957, Side 15

andvari
Pálmi Hannesson rektor
11
og þurr. Þar voru allmargir strákar í tuski og bar rnest á fyrstu-
bekkingum (busum) og nýsveinum, sem komnir voru til vor-
prófs. Við félagar tókum nú eftir því, að ójafn leikur átti sér
stað þar úti. Milli 10 og 20 strákar sóttu allir að einum. Sá var
ekki hár vexti, en þrekinn vel og jafnvel feitlaginn, rjóður í
kinnum og dálítið búlduleitur, með dökkjarpt, mikið hár. Strákar
böfðu slegið bring um hann og sóttu að honum á víxl, oftast
2—3 í bóp, en hopuðu og héldu sig í öruggri fjarlægð þess á
ntilli, enda var hart og kappsamlega vegið á móti og hvergi liirt,
þótt hnappur hrykki úr flík eða saumur sprytti. — Mér var þá
sagt, að þessi nýsveinn, sem svo vasklega varðist ofureflinu, héti
Pálmi frá Skíðastöðum.
Síðan hefur mér jafnan fundizt sem þetta litla atvik lýsti
vel einum þætti í skapgerð Pálma, en það var áræði og kapp,
þótt leikur væri harður. Þetta gat komið fram í viðureign við
skagfirzka ótemju, straumbólgið jökulvatn — og einna skýrast,
er hann tók við skólastjórn menntaskólans í Reykjavík, þrítugur
að aldri.
í gagnfræðaskóla Akureyrar var Pálmi jafnan meðal fremstu
namsmanna, en náttúrufræði og íslenzka voru eftirlætisnáms-
greinar hans. I náttúrufræði var honum kennsla Stefáns skóla-
naeistara sem opinberun. Þeim svipaði saman í hneigð til náttúru-
visinda og næmri tilfinningu fyrir fáguðu málfari í ræðu og riti.
í þeim skóla var það siður að lesa miklu meira í sumum
namsgreinum en kennslubækur, eða svo gerðu hinir dugmeiri
nenrendur. Einkurn mun þetta hafa átt við um náttúrufræði og
sagnfræði. Pálmi las stórar bækur urn dýrafræði og líffræði á
þessum árum.
Gagnfræðaprófi lauk Pálmi vorið 1915 með góðri einkunn
°g hélt til náms í menntaskólanum í Reykjavík um haustið. Ekki
mun hann hafa haft sig mjög í frammi í skólalífinu syðra, en
‘nspector -platearum (hringjari) var hann í 5. bekk, og sýnir
það, að þá þegar hefur hann þótt einna aðsópsmestur í hópi
skólapilta.