Andvari - 01.01.1951, Qupperneq 46

42
Barði Guðmundsson
ANDVARI
brekku fram á sjónarsviðið og lét hann hvetja til ófriðar við
Eyjólf halta út frá þeirri forsendu að „Eyjólfur vill nú ganga
yfir alla þjóð.“ Vigfús og Hrafn Oddsson voru svilar og arftakar
eftir Sturlu Sighvatsson og Jón son hans sem andaðist ungur
og barnlaus árið 1254. Má telja víst að misklíð svilanna hafi
verið sprottin af átökum þeirra um arfleifð Sturlu og þá eink-
um Snorrungagoðorðið. Af Þorgils sögu skarða sést að um 1260
hefir Sighvatur Böðvarsson á Stað átt í deilum við þá báða
Vigfús og Hrafn en þeir þó verið ósáttir sín á milli. Höfðu
Staðarmenn fyrrurn gert kröfu til hlutdeildar í Snorrungagoð-
orðinu og stundum haft ítök í því. En nú hafði Vigfús sezt
að á Sauðafelli, sem löngum var höfuðstaður þessa mannafor-
ræðis.
Árið 1261 var valdaskipting höfðingjanna yfir landinu í höf-
uðdráttum þannig: í Vestfirðingafjórðungi réð Idrafn Oddsson
langmestu og naut þar að auki trausts og hylli Hákonar konungs
gamla. Allur Norðlendingafjórðungur, svo og Árnes- og Kjalar-
nesþing laut veldi Gissurar jarls Þorvaldssonar, en Rangárþingi
og Austurlandi réðu Oddaverjar og Svínfellingar. Var Þorvarður
Þórarinsson þeirra mestur fyrirferðar að völdum og atorku. Til
þess að hefta uppgang Gissurar og Elrafns hófst Vigfús Gunn-
steinsson handa um það, að koma á samtökum milli annarra
höfðingja í landinu. Hann lætur deilur sínar við Sighvat Böðvars-
son á Stað niður falla og snýr sér að því, að draga saman sátt
með honum og Þorvarði Þórarinssyni í vígsmáli Þorgils skarða,
sem vitanlega var lrumskilyrði til framkvæmdar þessa áforms.
í Þorgils sögu er þannig greint frá athöfnum Vigfúss veturinn
1261 til 1262:
„Vigfús Gunnsteinsson sat að Sauðafelli og höfðu þeir Sig-
hvatur þá sætzt á sín mál, og skyldi þar heita hleytivinátta. Milli
þeirra Þorvarðs og Vigfúss höfðu farið vináttumál. Þeir fundust
að Keldum, og var Vigfús lengi með Þorvarði um veturinn. En
er Vigfús kom heim, fann hann Sturlu mág sinn, og bað að
Sturla skyldi draga saman sætt með þeim Þorvarði og Sighvati.