Menntamál - 01.12.1955, Blaðsíða 54
236
MENNTAMÁL
barna sé milli 5 og 10% af öllum skólabörnum. Einkennin
eru mismunandi: hnupl, skróp, slæm hegðun í skóla, lítil
námsafköst, o. fl.
Orsakirnar fyrir þessu ástandi barnsins eru einnig mis-
munandi. Oftast mun það að einhverju leyti vera eðli barns-
ins sjálfs, sem þar um veldur, og svo utanaðkomandi áhrif
svo sem ósamkomulag foreldra, hjónaskilnaður, drykkju-
skapur á heimili, nudd og nag í börnum, óheppilegar upp-
eldisaðferðir o. fl.
í öllum siðuðum löndum er lögð á það mikil áherzla að
hjálpa þessum börnum.
í Kaupmannahöfn er sérstök stofnun (psykologisk kont-
or), sem um þessi mál fjallar. Við hana vinna 14 sálfræð-
ingar alla daga og aðrir 5 að nokkru leyti. Námsferillinn er
venjulega sá, að kennarar, sem starfað hafa nokkur ár,
stundi í 4 ár nám við háskólann og gangi þá undir próf. Hjá
stofnun þessari starfa 4 læknar, sem eru sérfræðingar í
sálsýkisfræði barna.
Öll þau börn, sem skólalæknar, foreldrar, kennarar eða
barnaverndarnefnd óska rannsóknar á, eru send til stofn-
unarinnar.
Störf sálfræðinganna og sálsýkisfræðinganna grípa
vitaskuld hvort inn í annað. Sálfræðingarnir vísa börnun-
um til sálsýkisfræðinganna, ef þá grunar, að um eiginleg-
an geðsjúkdóm sé að ræða.
Á sl. ári voru 3000 skólabörn send til stofnunarinnar.
Þegar nú er athugað, að hin umgetnu 80.000 skólabörn í
Kaupmannahöfn eru 8 ár í skóla, verður auðsætt, að tiltölu-
lega mörg þeirra eru fyrr eða síðar send þangað til rann-
sóknar.
Aðeins 400 af þessum 3000 börnum komu til rannsóknar
hjá sálsýkisfræðingum. Einungis milli 40 og 50 þeirra
reyndust vera með eiginlega geðsjúkdóma.
Auðvitað skiptir hér mestu máli að ráða bót á misfellun-
um. Reynt er að gera það með því að skýra aðstandendum