Valsblaðið - 01.05.1979, Síða 13

Mvnd til vinstri
Albert.... Við höfum lœrt af
mistökunum i sumar
Dvr,.. Höfum allt til að rifa
okkur upp
Mynd til hœyri
togi Björn.... Munum nota
veturinn til þess að byggja upp
fyrir að unnt sé að æfa á kristilegum tíma. Menn verða
að hafa tíma til þess að njóta góðs af þjálfaranum.
Vilji fyrir hendi, en takmarkaðir möguleikar
Valsblaðið: Þarna kom Dýri inn á atriði sem vert er
dð gefa gaum, og er fróðlegt að heyra hvað stjórnar-
mennirnir segja um það?
Bjarni: Það er gífurlega mikið lagt á leikmenn, og sá
Þmi sem fer í þetta hjá þeim er lítið minni en hjá atvinnu-
ntönnunum. Ég tel nauðsynlegt að koma því á að leik-
menn geti byrjað æfingar fyrr á daginn, þannig að menn
fengju síður leiða á þessu. En þarna er auðvitað komið
að spurningunni um peninga.
Ölafur: Það liggur fyrir að fjárhagslegir möguleikar
ll' þess að gera þetta eru afskaplega litlir, það verður að
Segjast eins og er. Rekstur knattspyrnudeildar eins og
^já Val er eilíft stríð um peninga. Það verður örugglega
erfitt að koma málum þannig fyrir að unnt verði að
greiða leikmönnum vinnutap vegna æfinga. Við vitum
Það að Skagamenn áforma að taka slíkt kerfi upp hjá
Ser, en þess ber að geta að þeir búa í dálítið örðu vísi
samfélagi en við í Reykjavík og eiga sennilega auðveld-
ara með að koma þessu í kring. En að sjálfsögðu
stefnum við að þessu, og gerum okkur grein fyrir því
að við verðum að gera þetta. Mælirinn er fullur hvað
^arðar álag á leikmenn. Þetta getur ekki haldið svona
afram, það eru hreinar línur. Eitthvað verður að gera,
en hvernig á að leysa þetta fjárhagslega er svo höfuð-
verkur.
Bjarni: Fyrst farið er að ræða um fjármálin, þá sýnist
mer það, að eins og t.d. Skagamenn ætla sér að fram-
kvæma þetta muni það kosta félagið 6-8 milljónir króna.
Valsblaðið: En nú hafið þið þegar farið út íþað að
greiða leikmönnum peninga, er það ekki?
Ólafur: Við höfum ekki gert það að öðru leyti en því
að við höfum reynt að greiða þeim útlagðan kostnað,
l d. í sambandi við akstur, en það er svo lítil upphæð
að það tekur því ekki að tala um hana.
Björn: Ég veit ekki hvort þessar greiðslur myndu
út af fyrir sig auka áhuga leikmanna. Það er talað um
að færa æfingatímann fram til þess að leikmenn komi
ekki á æfingarnar útkeyrðir úr vinnunni. Þetta er ekki
alveg einhlýtt. Þegar æfingar byrja ekki fyrr en t.d.
klukkan hálf sjö, hafa alltaf einhverjir tækifæri til þess
að hvíla sig svolítið á milli vinnunnar og æfinganna.
Ef við erum að tala um tíma sem henta myndi best til
æfinga þá væri það fljótlega eftir hádegi, t.d. frá klukkan
eitt til þrjú.
Bjarni: Þetta er ekki bara spurning um þreytu, heldur
líka það að menn geti lifað eðlilegu Qölskyldulífi. Séu
ekki að æfingum langt fram á kvöld.
Albert: Ég er mjög ánægður með að heyra þau við-
horf sem koma þarna fram hjá stjórnarmönnunum.
Auðvitað myndi það breyta miklu ef menn gætu hætt í
vinnu t.d. klukkan fjögur og verið búnir á æfíngu fyrir
kvöldmat.
Valsblaðið: Tœkist að koma þessu kerfi upp, myndi
það skapa meira aðhald fyrir leikmennina?
Bjarni: Það er augljóst að ef slíkar greiðslur kæmu
til væri hægt að krefjast meira af leikmönnum.
Ingi Björn: Það liggur í hlutarins eðli að ef menn fá
laun fyrir að mæta á æfingu, þá skapar það ákveðið
aðhald og það að leikmenn myndu telja sig skylduga
til þess að hlýða sínum yfirboðurum, rétt eins og í vinnu
sinni.
Valsblaðið: Myndu skapast meiri möguleikar á slíku
greiðslufyrirkomulagi ef Valur léki leiki sína á heima-
velli sínum?
Ólafur: Ég þori ekki að fullyrða neitt um það, en
álít samt að svo yrði. Þá hefði félagið meiri möguleika
til þess að skapa stemmingu í kringum leiki sína og vera
með ákveðnar aðgerðir til þess að draga áhorfendur,
og fá ábatann af því ef slíkar aðgerðir heppnast. Það
yrði alla vega hvetjandi fyrir félagið miðað við það
sem nú er að þurfa alltaf að skipta því sem inn kemur á
leikina. Að auki myndu þeir peningar sem nú fara í
vallarleigu renna til félagsins og koma því til góða.
Bjarni: Það væri strax spor í áttina, ef tekjuskipt-
11