Valsblaðið - 01.05.1979, Blaðsíða 56

Úr félagslífinu
félagar urðu í ár íslandsmeistarar í 4.
flokki í knattspyrnu og einnig í
handknattleik.
Guðni sem er 13 ára, sagðist ætla
að halda áfram að æfa og keppa
bæði í knattspyrnu og handknatt-
leik, enda væri erfítt að gera uppá
milli íþróttagreinanna, sem báðar
væru skemmtilegar.
Brynjar Harðarson 2. flokki
Eg byrjaði í Val 6. - 7. ára og þá í fót-
bolta en handbolta byrjaði ég í 4. flokki
þá 11. ára, ég spilaði fyrst í marki en
skifti fljótlega í aðra stöðu. Sl. vetur æfði
ég bæði með 2. íl. og m.fl. og reyndi að
stunda skólann með, en þegar æft er svo
til á hverjum degi situr eitthvað á hakan-
um. Hilmar Bjömsson er besti þjálfari
sem ég hef haft frá því ég byrjaði í hand-
bolta. Ég vil ekki segja neitt um annan
flokkinn í vetur, léleg æfmgasókn og ef
til vill áhugaleysi er ástæða slaks árang-
urs hjá okkur. Þjálfarinn, Jón Ágústsson
gerði allt sem í hans valdi stóð, en oft er
erfitt að gera eitthvað þegar 5-6 eru á
æfingu. Jón H. Karlsson er minn uppá-
halds leikmaður, hann er frábær félagi
og fáir handboltamenn hafa eins mikla
útsjónarsemi og hann.
Félagslífið í Val er fremur lélegt og til
að bæta það og fleira sem þarf að bæta í
félaginu verður kannski að fá nýtt blóð í
stjórn félagsins. Þjálfarar yngri flokkana
eru yfírleitt fengnir til að gera þetta í
neyð, og það þarf að mennta þessi grey
sem standa í þessu.
Undirbúningur U - landsliðsins fyrir
Norðurlandamótið í Danmörku var allt
of lítill en mjög góður á meðan hann stóð
yfir, unaðslegasta tilfinning sem ég hef
notið er að vera í U - landliðs peysunni
og hlusta á íslenska þjóðsönginn leikinn.
Ég stefni að því takmarki að bæta
mig eins mikið og mögulegt er og að
verða valinn í landsliðið 21. árs og yngri
sem á að æfa í sumar fyrir Heimsmeist-
arakeppnina í þessum aldursflokki.
Þetta viðtal er tekið að heimili Brynjars
Harðarsonar 9. maí 1979.
Strax á fyrstu sumardögunum í lok
apríl sL byijuðu Reykjavíkurmótin á knatt-
spymu í yngri flokkunum. Fyrstu um-
ferðinni er lokið, þegar þetta er skrifað,
Valur hefur sigrað í öllum leikjunum,
svo að byrjunin gat ekki betri verið. Það
er m.a. þess vegna gott hljóðið í ungu
mönnunum, sem við hittum að máli.
Ragnar Helgi Róbertsson í 5. flokki.
- Hvenær byrjaðir þú í knattspyrnu í
Val, og hvernig hefur gengið?
Ég byrjaði 8 ára gamall og spilaði fljót-
lega í C - liði, en komst svo á síðasta
sumri upp í A - lið.
- Og hvernig hefur þér líkað í Val?
Þetta hefur allt verið ofsalega gaman.
Hápunkturinn var auðvitað, þegar við
unnum úrslitakeppni íslandsmótsins í
fyrra í Vestmannaeyjum. Ég held að það
hafi verið skemmtilegasti tími, sem ég
hef lifað, jafnvel þó að mikið rigndi á
köflum.
- Hvernig finnst þér þjálfararnir hafi
verið?
Þeir hafa allir verið ágætir, en það er
bara stundum erfitt að stjórna æfingum
yngstu strákanna, af því að fjöldinn er
svo mikill.
- Hvaða þjálfari finnst þér nú bestur?
Ingi Björn er alveg frábær, og það er
mest honum að þakka að við urðum
íslandsmeistarar, (en pabbi er líka sæmi-
legur).
- Hvernig heldurðu, að ykkur muni
ganga í sumar?
Það gengu næstum allir upp í 4. flokk,
sem voru í A - liðinu í fyrra. En við mun-
um berjast eins og við getum og ekki
sleppa hendi af bikarnum fyrr en í fulla
hnefana.
Sigurður Jónsson 4. flokki.
- Hvernig gekk 4. flokki síðastliðið
sumar?
Byrjunin hjá A - liðinu var slæm, en
batnaði eftir að Jóhann Larsen fór að
þjálfa okkur, en B - liðið stóð sig vel og
vann bæði mótin, sem það tók þátt í.
- Þið í A - liðinu hafið sem sagt verið
seinir í gang, en hvernig heldurðu að
málin standi núna?
- Núna erum við langtum betur undir-
búnir, enda höfum við R,óbert Jónsson
fyrir þjálfara og erum mjög ánægðir með
hann. Róbert er strangur þjálfari og
fylgist vel með öllum bæði í leikjum og
æfingum, en hann leggur meiri áherslu á
tækni og hraða heldur en hörku og puð,
og við erum einmitt hrifnir af því.
- Koma margir foreldrar til þess að
fylgjast með leikjum ykkar?
Nei, þeir eru ekki nógu margir. Nokkrir,
en alltof fáir, fylgjast talsvert með, en
það væri skemmtilegt ef fleiri kæmu og
létu bera svolítið á því, að þeireru Vals -
pabbar og mömmur.
- Er eitthvað sérstakt, sem þú vilt taka
fram?
Þeir ungu hafa orðið
54