Valsblaðið - 01.05.1979, Side 28

Jón Pétur Jónsson fagnar sigri.
liðið fær nógan tíma. Þann 20. maí liggur ljóst fyrir hvernig 1.
deildar leikjum verður raðað næsta ár. Þetta er allt fengið með tölvu-
vinnslu.
Sp: Verður handboltinn forgangsverkefni hjá þér úti eða færðu
fasta vinnu strax?
Jón P: Handboltinn situr í fyrirrúmi. Við hjónin byrjum á þriggja
mánaða þýskunámi en síðan fæ ég starf við Melitta-fyrirtækið.
Konan kemur til með að fá vinnu þegar kemur fram á næsta vetur,
og hún þarf einnig að annast barnið. Annars er ýmislegt gert fyrir
konur leikmanna og þær fara með mönnum sínum út að borða eftir
hvern heimaleik, einnig er a.m.k. ein utanlandsferð á ári fyrir
leikmann og fjölskyldur þeirra. T.d. á Dankersen boð til Brasilíu
á komandi tímabili.
Sp: Er samkeppni hörð meðal leikmanna?
Jón P: Já, allavega eiga skyttur í harðri keppni og það er ein-
kennandi að skotmenn hafa ótakmarkað leyfi til að ,,puðra“ á
markið. Línumönnum er ætlað að blokkera fyrir skytturnar og passa
sig á að vera ekki fyrir skotunum.
Sp: Hvað verður um Hummel-fyrirtækið þegar þú hverfur nú
af landi brott?
Jón P: Ólafur bróðir minn kemur heim í vor og tekur við því.
Hann er nú viðskiptafræðingur og því ekki ástæða til að ætla annað
en fyrirtækið gangi jafnvel enn betur en áður, þegar hann tekur við.
Sp: Að lokum Jón. Gengur þú aftur til liðs við Val þegar þú
kemur heim?
Jón P: Já, það má telja 100% öruggt.
26