Valsblaðið - 01.05.1979, Page 30

,,Ekki lengra vinur".
Sp: Hvernig var Svíþjóðardvölin Hilmar?
Hilmar: Hún var góð tilbreyting og reyndar hugsuð sem slík. Ég
og fjölskylda mín nutum þessarar tilbreytingar í ríkum mæli. Hins
vegar kom mér nokkuð á óvart hversu slakir handboltamenn voru
í Hammarby en þetta er mjög stórt félag. Þó ber að hafa í huga að
um 130 lið leika í 3. deild. Þannig eru allir bestu leikmenn 3. deildar
ginntir til 1. og 2. deildar liða strax og til þeirra sést. Handboltinn
var því ekki sérlega skemmtilegur hjá okkur. Hins vegar má ýmislegt
af Svíum læra hvað snertir hina félagslegu þætti og einnig er
skipulagning þeirra mjög góð.
Sp: Varstu bjartsýnn er þú tókst við Valsliðinu í haust?
Hilmar: Ég vissi að hverju ég gekk, þekkti flesta leikmenn frá
fyrri tíð. Það var þó greinilegt að sumir leikmanna komu betur
þjálfaðir en aðrir er ég tók við og kom það í ljós á keppnistíma-
bilinu hverjir svikist höfðu um á sumaræfingum.
Sp: Hvaða menn komu þér mest á óvart í vetur?
Hilmar: Erfitt er að gera upp á milli einstaklinga, menn eiga
sín góðu og slæmu tímabil. Þó verð ég að hrósa Jóni Pétri fyrir
góðar framfarir. Hins vegar kom glöggt í ljóst að þeir sem lengi hafa
staðið í eldlínunni voru orðnir áhugaminni en áður um að stunda
harðar æfíngar.
Ég er þeirrar skoðunar að menn eigi að halda áfram að æfa og
leika svo lengi sem þá langar til og líkamleg geta leyfir. Lið mun
ég ekki velja eftir aldri heldur eftir getu og hingað til hafa eldri
menn liðsins sannað getu sína að mínu mati. Fjöldi yngri manna
bankar hins vegar fast á dyrnar hjá þeim.
Sp: Er of hæg endurnýjun í Mfl. karla?
28