Valsblaðið - 01.05.1979, Side 54

Valsmenn á ferð og flugi
Svíþjóðarför 2. flokks
sumarið 1979
Aðdragandi
Síðastliðinn vetur ákvað 2. flokkur
Vals að stefnt skyldi að utanlands-
ferð sumarið 1979. Eftir mikla íhugun
og vangaveltur var ákveðið að fara á
opið alþjóðlegt knattspyrnumót í
Svíþjóð, nánar tiltekið í Gautaborg.
Mót þetta er árlegur viðburður og
kallast Gothia Cup. Seinni part
vetrar og fram á sumar vörðu leik-
menn svo til öllum frístundum
sínum til fjáröflunar og var gripið
til ýmissa ráða, s.s. maraþonsknatt-
spyrnu, firmakeppni í knattspyrnu,
tjaldsölu á 17. júní, kökusölu á úti-
markaðnum o.fl. Hagnaðurinn af
þessu varð talsverður og nægði til
að borga flugfargjald leikmanna að
mestu leyti.
Lagt af stað
Þann 12. júlí var síðan lagt af
stað. Ákveðið hafði verið að allir
skyldu mættir kl. hálfsex um morg-
uninn. Voru allir mættir á tilsettum
tíma nema fararstjóri/þjálfari liðs-
ins og kona hans. Voru nú uppi
háværar raddir um að skilja þau
hjón eftir og fara bara einir. Það
þótti þó vænlegra til árangurs að
hafa þjálfarann með og því brunað
suður í Kópavog og Örn og frú sótt.
Því næst farið út á flugvöll og þaðan
lá leiðin beint til Gautaborgar.
Mótið og staðan
Gothia Cup er geysistórt og viða-
mikið mót. Sem dæmi má nefna að
í aldursflokknum sem við kepptum
voru 18 riðlar, 4 lið í hverjum riðli.
Tvö lið komust áfram úr hverjum
riðli, en eftir það var útsláttarfyrir-
komulag. Telst mér til að heildar-
fjöldi þátttakenda hafi verið á þriðja
þúsund.
Undir aðkomumennina voru
teknir heilu skólarnir og fengum
við Valsarar eina skólastofu til
afnota. í sama skólanum voru lið
frá írak, Bandaríkjunum, Finnlandi
og Svíþjóð.
Eftir á að hyggja tel ég að mót
þetta sé alltof stórt í sniðum, en
kostirnir við mót sem þessi eru þó
meira úrval góðra liða þannig að
leikirnir verða mjög spennandi auk
þess sem tækifæri gefst til að bera
sig saman við lið frá ýmsum löndum.
Leikir
Valur lenti í riðli með þýska liðinu
SC Dunsen, sænska liðinu Skinn-
skatteberg og Irag Football, unglinga-
landsliðið frá írak. Við unnum
þýska liðið 2:0 og það sænska 2:0.
Leikurinn við íraska unglingalands-
liðið var hins vegar aðalleikur riðils-
ins. Sýndum við góð tilþrif í leiknum
og vorum í raun þrælóheppnir að
vinna ekki, klúðruðum t.d. víta-
spyrnu, auk fleiri góðra tækifæra,
sem ekki nýttust. Leikurinn endaði
með jafntefli og komust því bæði
liðin áfram í útsláttarkeppnina.
Eftir þennan leik fékk Þorsteinn
Sigurðsson (Steini) mikið hrós á
íþróttasíðu Göteborgsposten. Var
haft eftir þjálfara 1. deildarliðs að
Þorsteinn væri bezti sóknarleik-
maðurinn sem hann hefði séð í
keppninni.
í útsláttarkeppninni töpuðum við
2:1 fyrir sænsku liði í jöfnum leik.
Setti taugaspenningur og leiðinlegt
veður nokkuð svip sinn á leikinn.
Vorum við þar með úr leik í mótinu.
Dvöldumst við þó nokkra daga í
viðbót í Gautaborg og kynntum
okkur það sem borgin hafði upp á að
bjóða.
Heimferð
Eagt var af stað heim á leið þann
21. júlí með stuttu stoppi í Kaup-
mannahöfn. Dvöldumst við þar hjá
Gladsaxe Boldklub. Lékum við
einn æfingaleik við þá en annars
var dagskráin frjáls þessa daga.
24. júlí fór stór hluti hópsins heim
til íslands að undanskildum sex-
menningum, sem héldu áfram til
Hamborgar. í lok Júlí hafði svo
allt liðið skilað sér heim.
Lokaorð
Að lokum viljum við 2. flokks
menn þakka fararstjóranum/þjálf-
aranum Erni Eyjólfssyni fyrir alla
hans aðstoð, bæði við fjáröllun og
síðast en ekki síst fararstjórn í
ferðinni sjálfri.
Sigurður Pálsson.
Valsmenn á ferð og flugi
52
I