Iðunn : nýr flokkur - 01.01.1925, Síða 68

62
Vísur um Iðunni.
lÐUNN
öllum býður inn til sín
Iðunn Magnúsdóttir.
í vísunni er mikill sannleikur fólginn. Iðunn litla
Magnúsdóttir er svo gestrisin, að henni þykir það eitt á
bresta er menn afsaka sig eins og í dæmisögunni gömlu.
Konráð Vilhjálmsson, Hafralæk, sem ort hefir kvæðið
fallega um dr. ]ón Þorkelsson í þessu sama hefti Iðunn-
ar, sendi henni þessa sléttubandavísu:
Nætur slæðum tvístrar, trauð
troðnar þræða slóðir.
Lætur græðast andans auð
Iðunn fræða móðir.
Loks skal hér birta vísu eftir Stein Sigurðsson rithöf-
und í Hafnarfirði. Er það kannske besta vísan:
Iðunn góða gullinn sjóð
gefur þjóð í fræðum;
lesa fljóðin úrvals óð
yfir hlóðaglæðum.
Þótt ekki sé hér birtar fleiri vísur en þessar má eng-
inn halda, að með þeim sé tæmdur sá flokkur vísna, sem
Iðunn taldi bestan. Miklu meira veldur þar rúmleysi.
Þetta aðeins sett til smekks.
Þakkar svo Iðunn öllum þeim, sem sendu henni
»mærðar timbur máli laufgað*, þótt ekki næði hún með
þessari tilraun því, sem var aðal tilgangur hennar.