Eimreiðin - 01.05.1967, Qupperneq 34

Afmæliskveðja
til dr. Richards
Becks, sjötugs
Ég var áreiðanlega á bernskuskeiði, þegar ég heyrði fyrst getið um
dr. Richard Beck og fékk tækifæri til þess að skoða mynd af honum
í blaði. Líklega hefir sú mynd birzt í Æskunni eða Samvinnunni,
en þessi tvö öndvegisrit renna gjarna saman í eitt í hugum þeirra,
sem langt muna aftur í tímann. Því er þessa atriðis getið hér, að
umrædd mynd er sönnun þess, að á fjórða tugi þessarar aldar áttu
íslendingar sér fulltrúa í Norðurríkjum Bandaríkjanna, sem kunnur
var orðinn vegna afreka, sem hann hafði unnið í nafni ættjarðar
sinnar. Það eru og engar ýkjur, að saga þessa manns, sem við vita-
skuld nefnum doktor Beck í daglegu tali, yrði snemma allsérstæð,
ef ekki algjörlega einstæð, og mun Jretta atriði nú rakið ögn nánar.
Dr. Richard Beck er fæddur að Svínaskálastekk í Reyðarfirði
9. júní 1897. Foreldrar hans voru Jrau hjónin Hans Kjartan Beck
óðalsbóndi, d. 6. des. 1907 og frú Þórunn Vigfúsína Vigfúsdóttir,
d. 19. febrúar 1958. Richard var Jrví ekki nema 10 ára gamall, þegar
andlát föður hans bar að. Var þá ljóst, að hann yrði að taka til
höndunum heldur fyrr en títt var um pilta á hans reki. Þannig
hlaut hann að hefja sjóróðra ungur að árum, og heyrt hef ég gamla