Eimreiðin - 01.05.1967, Side 36

124
EIMREIÐIN
bókmenntum við Ríkisháskóla Norður-Dakota. Nú í ár lætur hann
af embætti fyrir aldurs sakir.
Aðalkennslugrein dr. Richards Becks við háskólann í Grand
Forks hefur verið norska og norskar bókmenntir. Auk þess hefur
hann mjög oft efnt til námskeiða í íslenzku. Auk kennslustarfanna
liefur hann svo gegnt ýmsum ábyrgðarstöðum á vegum háskóla síns.
Ber þar helzt að nefna, að hann var um langt skeið forseti hinnar
erlendu tungumáladeildar skólans.
Ritverk dr. Richards Becks eru slík að vöxtum, að í þessari af-
mæliskveðju er ekki unnt að nefna nema nokkur dæmi. Helztu rit-
verk hans á ensku eru: Icelandic Lyrics 1930, The History of Scan-
dinavian Literatures (Richarcl skrifaði hluta þessa verks) 1938,
History of Grand Forks Deaconess Haspital 1942, Icelandic Poems
and Stories 1943, A Sheaf of Verses 1945 (Þessi bók hefur verið gefin
út með viðbótum 1952 og 1967), History of Icelandic Poete 1800—
1940 1950, Jón Thorlaksson, Icelandic translator of Pope and Mil-
ton 1957. Hér rná einig nefna kafla, sem Richard hefur skrifað fyrir
safnrit svo sem þætti í Encyclopœdia of Literature 1946 og Iceland’s
Thousands Years 1945. Helztu ritverk á íslenzku eru þessi: Ljóð-
mdl 1930, Saga Hins evangelisk-lútherska kirkjufélags Islendinga í
Vesturheimi 1935, Ættland og erfðir 1950, 7 átthagana andinn leit-
ar 1957. Enn skal nefna að Richard annaðist útgáfu á bók K. N.
Júlíusar 1945 og kvæðum séra fónasar Sigurðssonar, Ljóðmceli,
1946. Sérprentaðar ritgerðir á íslenzku eru margar og ekki má
gleyma því, að Richard var ritstjóri hins fróðlega Almanaks Ólafs
Thorgeirssonar 1941—1954.
Ef telja ætti blaða- og tímaritsgreinar eftir dr. Richard Beck,
myndi slík upptalning verða efni í margar bækur. Þá minnist ég
þess, að ekki er langt um liðið síðan áreiðanlegur rnaður tjáði mér,
að dr. Richard Beck væri nú búinn að flytja meira en 1200 ræður
víða um lönd við alls konar tækifæri og að flestar þessar ræður hafi
á einn eða annan hátt verið tengdar íslandi. Einhver kann nú að
segja, að talan 1200 sé nokkuð há. Því er til að svara, að eftir að hafa
þekkt dr. Richard Beck í allmörg ár myndi ég hafa gizkað á enn
hærri tölu, ef álits míns hefði verið leitað.
Ræðuhöld dr. Richard Becks eru hluti af því mikla þjóðræknis-
starfi ,sem hann hefur unnið á vegum Vestur-íslendinga. Á þeim
vettvangi hefur Richard unnið svo ötullega, að þar á hann enga
jafningja. Hygg ég, að engir íslendingar beri sér í munn orðin