Morgunn - 01.12.1954, Blaðsíða 6

84
MORGUNN
Fáir miðlar.
in, varð svo áhrifalítill þar í landi um skeið, en hefur nú
aftur vaxið fiskur um hrygg á síðari árum. Enginn miðill
er til í landinu, sem nokkuð verulegt kveður að. Það sagði
ég Finnunum, að mér þætti furðulegt um
svo gamla og gróna galdraþjóð! Auk
tveggja fámennra spíritistafélaga í Helsingfors er þar
starfandi sálarrannsóknafélag, sem því miður hefur lítið
samband við spíritistafélögin. Hafði komið til orða, að ég
flytti erindi fyrir sálarrannsóknafélagið um vísindalegar
sálarrannsóknir, en af því varð ekki. Um hásumarið voru
flestir hinna fáu félaga utan borgarinnar. Frá einum með-
limi þess félags fékk ég bréf skömmu eftir að ég kom heim.
Hafði hann hlýtt á erindi mín í Helsingfors og lét vel af.
Á heimleiðinni dvaldist ég í vikutíma í Osló. Þar er nú
ekkert spíritistafélag starfandi og norska sálarrannsókna-
félagið hefur legið niðri síðan nazistar skipuðu fyrir, að
I Osló.
leggja skyldi félagið niður. En vonir standa til,
að þetta félag verði endurreist í haust með ágætu
fólki. Ég átti ýtarlegt tal við ungan norskan prófessor í
efnafræði, sem ætlar að gerast forseti hins endurreista fé-
lags, en hinn gamli forseti þess, prófessor Wereide, mun
leggja starf sitt niður. Var mér mikil ánægja að kynnast
hinum unga háskólakennara og hygg ég gott til þess, sem
hann mun vinna fyrir sálarrannsóknamálið í Noregi. Og
ekki gladdist ég minna, er hann sagði mér, að bróðir sinn,
sem er prófessor í guðfræði við Oslóarháskóla, einnig ung-
ur maður, mundi taka þátt í starfinu með sér. Félagið
mun ekki reka fasta miðlastarfsemi, starfa að mestu sem
fræðslufélag, og leita þess að fá miðla um tíma og tíma
til að gera tilraunir.
Broslegan úlfaþyt var reynt að gera af því í Reykjavík,
er eitt dagblaðanna birti ranghermi, er finnskur frétta-
- ritari hafði eftir mér í blaði sínu. Hafði hann
apytur. ef^r mér, að á íslandi væri það nærfellt
regla, að prestarnir væru spíritistar. Auðvitað hefði ég
getað búizt við því, að íslenzkir blaðamenn vissu, að þessa