Morgunn - 01.12.1954, Qupperneq 74

152
MORGUNN
son misskildi sjálf ýmislegt í sambandi við fólkið, sem hún
var að kynnast hér, eins og ofur eðlilegt var, gætti þess
aldrei, þegar hún var í transi. Annað var eftirtektarvert:
í miðilsástandinu var henni miklu léttara um íslenzk nöfn
en í venjulegu ástandi.
Frú Guðrún Indriðadóttir leikkona sýndi þá velvild að
túlka alla fundi frúarinnar í Guðspekifélagshúsinu, og frú
Soffía Haraldsdóttir túlkaði fundinn í Sjálfstæðishúsinu.
Á fyrsta fundinum í Guðspekifélagshúsinu var meðal
annarra ungur maður, gæddur sálrænum hæfileikum, sem
byrjað er að þjálfa. Eftir fundinn sagði hann mér, að hann
hefði „séð“ litla stúlku og fullvaxinn mann með austrænu
yfirbragði, og hann lýsti báðum nánara. Kvaðst hann
sannfærður um, að þessi tvö hjálpuðu frúnni í starfi henn-
ar. Ég sagði frú Thompson frá þessu og gladdist hún mjög.
Af lýsingu unga mannsins kvaðst hún örugglega þekkja
tvo anda-hjálpendur sína, sem hún væri vel kunnug sjálf
og sæi þrásinnis. Skyggn kona, sem var á öðrum fundin-
um, sá hið sama, sömu verur á pallinum hjá frú Thomp-
son, meðan hún var að vinna, en ekki eins skýrt.
*
Um einkafundina er það að segja, að um þá er ekki ann-
að leyfilegt að segja opinberlega en það, sem fólkið leyfir,
sem fundina fékk Við allmarga þeirra hef ég átt tal, og
er full ástæða til að ætla, að fólk hafi verið mjög ánægt
með árangurinn, sem fékkst þar.
Fyrsta morguninn, sem frúin var í Reykjavík, hélt hún
fyrsta fund sinn kl. 10 árdegis. Þann fund sat stjórn
S. R.F.Í. Það verður ekki sagt, að þar hafi sterkar sann-
anir komið fram, en hins vegar sannaði frú Thompson þar
þegar sterka miðilsgáfu sína. Fundargestir voru að þessu
sinni sex, og af vörum miðilsins var framliðnu íslenzku
fólki lýst og nöfn nefnd, sem auðvelt var að kannast við.
T. d. var próf. Haraldi lýst og gefið í skyn, að hann mundi
verða viðstaddur fundi frúarinnar hér og vaka yfir því,