Morgunn - 01.12.1954, Page 17

MORGUNN
95
Okkur, sem þekkjum efagirni mannanna og rengingar
þeirra, verður á að spyrja: Hví voru ekki til þessa kvaddir
einhverjir helztu virðingamenn Gyðingaþjóðarinnar, ein-
hverjir af yfirvöldunum eða prestunum, einhverjir af
þeim mönnum, er vit höfðu á að dæma um slíka hluti, ein-
hverjir, sem treysta mætti að ekki sæju ofsjónir, ein-
hverjir, sem treysta mætti til að rannsaka slíkt? Eða ein-
hverjir vísindagarpar, sem spurt hefðu getað engilinn í
þaula, og gengið úr skugga um, að þetta væri ekki gabb
eða skynvillur? Að heimsins áliti eiga slíkir menn að vera
hafnir yfir skynvillur og þeir eiga sérstaklega að vera
kunnugir því, hvað sé mögulegt og hvað ekki, hvað geti
komið fyrir og hvað ekki. Það vita slíkir menn fyrirfram
af speki sinni. Hví birtust englarnir ekki slíkum mönnum ?
Ef til vill er ráðning þeirrar gátu sú, að englunum, sem
betur þekkja skilyrðin en vér, hafi veitt auðveldara að
birtast úti á völlunum, úti í hreina loftinu og frammi fyrir
fjárhirðunum. Eða þá að svo hefur verið ástatt um hina
mikilsvirtu menn þjóðarinnar, valdsmennina, vísindamenn-
ina og prestana — eins og stundum á sér stað á vorum dög-
um —, að þeir hafa verið önnum kafnir í embættisstörf-
um og eiginhagsmunastörfum, eða þá of fast skorðaðir í
gömlum hugmyndum, gömlum siðvenjum og ályktunum,
eða — jafnvel ekki þorað að standa við það, að þeir hefðu
séð engla. Ef til vill hefðu englarnir alls ekki getað látið
þá verða vara við sig. Og ef til vill gátu englarnir aðeins
birzt að nóttu til, þegar dimmt var orðið. En þá voru stór-
mennin gengin til hvílu og farin að sofa. Fyrir því urðu
fjárhirðarar fyrir valinu.
En ekki er víst, að með þessu sé gátan ráðin. Þeir urðu
að hitta fyrir einfaldar sálir og opin eyru; það dugði eigi,
að hjörtun væru lokuð og hugurinn fullur af hleypidóm-
um. Þess gætir Guð ávallt í vali sínu. Hann opinberar ekki
öðrum mönnum vilja sinn og fyrirætlanir en þeim, sem
hafa einlægt hugarfar og eru opnir fyrir nýbreytni and-
ans. Fyrir því kaus Jesús iærisveina sína úr flokki alþýðu-