Morgunn - 01.12.1954, Blaðsíða 46

124 M 0 R G U N N
væri unnt að skýra þessa furðulegu reynslu hans á ann-
an veg?
Fjögur ár liðu, þar til Morrell hlaut fullt frelsi, en mán-
uði þá, er hann naut mannúðlegrar meðferðar í fangavist
sinni, leitaðist hann iðulega við að fá yfirgefið jarðneskan
líkama sinn og fá notið sömu reynslu og áður utan veggja
fangelsisins, en honum tókst það aldrei, hvernig sem hann
reyndi til þess. Þessi furðulega og dásamlega reynsla hans
sýnist hafa verið veitt honum á stórfelldustu þjáninga-
stundum ævi hans, þegar öll sund virtust vera lokuð.
„The Phenomena of Astral Projection“, 1953,
eftir S. Muldoon & H. Carrington.
Einar Loftsson þýddi.
★
Frú J. H. Conant
(1831—1875) var mikils metin fyrir miðilsstarf sitt í Vesturheimi.
Fyrir örláta gjöf auðmanns nokkurs hélt hún ókeypis miðilsfundi
þrisvar í viku í Boston 17 síðustu ár ævi sinnar. Hún hélt því fram,
að meðan hún væri í transi, ferðaðist sál hennar víða. Tvífari henn-
ar, eða andalíkami, kom þrásinnis fram á fundum hjá öðrum miðlum
í mikilli fjarlægð og birtist einu sinni sannanlega fjarlægum vini.
Hún skrifaði ósjálfrátt, og í transi talaði hún mörg tungumál, sem
hún kunni annars ekkert í, einkum indverskar mállýzkur. Allan Put-
nam reit ýtarlega um miðilsgáfu hennar í bók sinni, Flashes of Light
from the Spirit World, og hann reit ævisögu hennar, Biography of
Mrs. J. H. Conant.