Morgunn - 01.12.1954, Síða 76

154
MORGUNN
fund, sem hún var ákaflega ánægð með og dóttir hennar.
Látinn eiginmaður hennar var sterkur í sambandinu og
talaði mjög sannfærandi við konu sína og dóttur um náin
einkamál. En frú Á. G. telur athyglisverðast annað atvik,
sem gerðist: Fyrir henni var lýst konu, sem hún gat með
engu móti áttað sig á, fyrr en nafnið var nefnt og henni
tjáð, að kona þessi hefði átt heima vestur í Ameríku og
andazt þar, en hefði komið í kynnisför til Islands að vest-
an og þá heimsótt frú Á. G. vegna nokkurrar frændsemi.
Þá var nefnt nafnið á bænum í Vesturheimi, sem kona þessi
hefði átt heima í. Við það kvaðst frú Á. G. ekki hafa kann-
azt, um það hafi sér verið ókunnugt. En þegar hún spurð-
ist fyrir í f jölskyldunni, hvar þessi f jarskylda frænka hefði
átt heima, var henni sagt bæjarnafnið, hið sama og nefnt
hafði verið á fundinum.
Þess má geta sér til, að frú Á. G. hafi einhvern tíma
heyrt þetta ameríska bæjarnafn nefnt í sambandi við kon-
una, sem kom í kynnisförina hingað fyrir fjölmörgum ár-
um, og þannig hafi nafnið verið til einhvers staðar í undir-
vitund hennar. En er hitt ósennilegra, að látna konan hafi
verið þarna sjálf og stjórnandi miðilsins fengið nafnið
beint frá henni?
Ég túlkaði einn einkafund, og er mér minnisstætt eitt
atvik, sem þá gerðist. Kona, mér gersamlega ókunnug, sat
fundinn. Stjórnandi sagði henni frá látnum syni hennar,
hvernig hann hefði andazt, hve gamall hann hefði þá ver-
ið, lýsti honum og sagði nafn hans og ennfremur, að hann
hefði borið nafn fósturföður móður sinnar. Allt var þetta
nákvæmlega rétt Og við móðurina var sagt fleira. Stjórn-
andi miðilsins sagði eftir drengnum, hvar mynd hans væri
í herbergi móðurinnar, og ennfremur þetta: „Þú gengur
oft, mamma mín, að myndinni minni, þá talar þú upphátt
við myndina, eins og þú værir að tala við mig, þú stendur
þá fyrir framan hana. Þú gerir þetta oft, og stundum hef-
ur þú hugsað um, hvort þetta muni vera rangt. Láttu þér
ekki koma það til hugar. Þarna er ég hjá þér og skynja,