Morgunn - 01.12.1956, Síða 69

M 0 R G U N N 147
verið damateríaliserað, aflíkamnað, og endurlíkamnað á
blaðið, sem var í lokaðri hendi minni.
2. Orðin „sjö milljónir eru skrifuð nákvæmlega eins og
ritað hefði verið á blaðið ósamanbrotið og liggjandi slétt
á borði.
Á þessu fyrirbrigði er mér vitanlega engin skýring til,
ekki heldur skýringartilgáta spíritista. Jönsson er ekki
spíritisti og telur enga framliðna menn standa á bak við
fyrirbrigði sín.
Ég legg heiður minn að veði fyrir því, að hér sé sagt
rétt frá.
Úr tímaritinu Mensch und Schicksal.
★
Nær himninum
Ef þið viljið vera eins og guð, þá elskið. Allt, sem þið elskið,
flytur yklcur einu þrepi nær himninum. Allt, sem þið fáið þá
óbeit á, að þið verðið óhæfir lil þess að elska einhvern, það
flytur ykkur niður á við frá guði. Þú hyggur, að reiðin geti verið
réttlát, og þú hefir rétt að mæla. En þó að reiði þín kunni að
vera réttlát, þá geturðu ekki verið í samræmi við guð, ef þú
veldur því, að þú ber engan kærleik í brjósti til misgerðamanns-
ins. Þú mátt refsa honum — en í kærleika.
„Bréf frá Júlíu“.