Morgunn - 01.06.1965, Síða 28

22
MORGUNN
antekningum, verið vanrækt að beita í þágu kristindómsins
vísindalega staðfestum sannindum, sem fram hafa komið
við sálarrannsóknir. Og hefur þá brostið kjark og dug sem
sízt skyldi, nefnilega prestana.
Ekki þurfa þeir þó að óttast það, að kirkjusókn dvíni,
þótt þessum málefnum sé hreyft, því öllum kemur saman
um, að lélegri en hún er nú geti hún tæpast orðið. Hitt
mættu þeir hafa hugfast, sem leita skýringa á áhugaleysi
sóknarbama sinna, að sú var tíðin, að fólk stóð í biðröðum
fyrir utan Fríkirkjuna í Reykjavík, áður en hún var opnuð
á sunnudögum, og komust færri að en vildu. Hvernig stóð á
því? Ástæðan skyldi þó ekki vera sú, að þar gafst fólki tæki-
færi til að heyra séra Harald Níelsson færa að því ljós rök,
að látnir lifa? Ég hef alltaf átt nokkuð erfitt með að skilja,
að menn, sem predika líf eftir dauðann, vilji ekki fyrir nokk-
urn mun heyra þessa kenningu rökstudda. Hvað þá, að þeir
séu fáanlegir til þess að skýra sóknarbörnum sínum frá
merkilegum niðurstöðum sálarrannsókna heimskunnra vís-
indamanna. Maður skyldi nú ætla, að prestur tæki því tveim
höndum, að fá vísindalegar staðfestingar á því, sem hann er
að predika. En mannssálin er víst flóknari en margan grun-
ar í fljótu bragði. Ætli það sé tilviljun, að prestarnir, sem
einna mestra vinsælda njóta meðal islenzks almennings skuli
vera séra Sveinn Víkingur og séra Jón Auðuns? Ætli það
eigi ekki nokkuð drjúgan þátt í vinsældum þessara ágætu
manna, að þeii' hafa til að bera þann dug í þessum efnum,
þá djörfung, sem svo marga starfsbræður þeirra skortir?
Eitt af því, sem mér hefur virzt einkenna marga and-
stæðinga spíritismans er það, að þeir neita að rannsaka málið
persónulega. Fordómarnir virðast halda þeim heljartökum;
það er einna líkast því, að einhver óljós ótti við að missa þá,
hindri þá í því að ganga sjálfir úr skugga um sannleiksgildi
þessara fyrirbrigða.
Er mér í þessu sambandi sérstaklega minnisstæð afstaða
hins fræga rithöfundar Charles Dickens til einhvers mesta
miðils, sem uppi hefur verið, Skotans Daniels D. Home.