Vaki - 01.09.1953, Page 62

Karl Kvaran: Málverk,
olía.
frá heimslistarborginni á Signubökkum
og það sem meira er: hún flytur það
nýjasta úr heimi hennar, við erum þar
í snertingu við verðandi listar í dag. Inn-
an um voru svo myndir eftir heims-
þekkta og löngu viðurkennda listamenn
svo sem þá Braque og Picasso.
Á sýningunni komu fram þrjú
sjónarmið: Kúbisminn borinn uppi
af fyrrnefndum meisturum. Ab-
strakt-impressionismi: Myndir hans
eru lausar úr tengslum við fyrir-
myndina, en myndrúmið eða and-
rúmsloft þeirra er í beinu sambandi
við hina ytri vídd sem við hrærumst í
daglega, ljós hennar, lit og stemningu.
Þessvegna bera myndir þessar nöfn er
minna á áhrif þau er listamaður þóttist
lifa á einhverjum stað og stund í náttúr-
unni: Nótt í X bæ, Morgun í Y borg.
Þriðja sjónarmiðið svo það, sem mest
rúm hefur fengið í þessari grein:
hið óhlutlæga. Forvígismenn þessarar
stefnu þeir Kandinsky, Herbin og Arp
áttu þarna myndir.
Það þótti mörgum undarlegt þegar
svo merkileg sýning var á ferðinni að
svo fáir skyldu líta inn og skoða. Þeir
héldu sem sé að dæmið um Van Gogh,
sem flestum er kunnugt, er einhverja
nasasjón hafa af list, væri einhver
trygging fyrir því að kímið hefði beti'i
aðbúð í dag en þá. En slíkt lærist að er
misskilningur. Hinsvegar eru þessar
merkilegu undantekningar. Vildi eg'
nota tækifærið og þakka dr. Gunnlaugi
Þórðarsyni brennandi áhuga á myndlist
og stórhug í hennar garð. Án hans hefði
sýning þessi orðið loftkastalar einir.
Að lokum rekur svo einstæð sýning
Karls Kvaran lestina. Ef óánægja og
gremja býr um sig einhversstaðar innra
með manni eftir útreið þá er umræddar
sýningar hafa flestar fengið, þá brýzt
hún fram vegna einstaks sinnuleysis er
þessi stórmerka sýning varð að þola,
það nálgast reiðihróp. Hiklaust má telja
að aldrei hafi jafn gáfaður ungur mál-
ari, sem kemur fram í fyrsta skipti,
fengið jafnslæmar undirtektir. Engin
TlMARITIÐ VAKI
60