Ritmennt - 01.01.1998, Qupperneq 142

GUNNLAUGUR SE BRIEM
RITMENNT
Einn meginmálsdálkur er á hvorri síðu. Vinstra megin gengur
myndtexti út fyrir leturflötinn. Hægra megin er sjö línu spássíu-
grein. Neðst á hvorri síðu eru tilvísunarorð, bókbindurum til
halds og trausts. Nú á dögum eru þau enn prentuð á hverja örk í
mörgum bókum svo að lítið ber á. Blaðsíðutöl eru fremur nýleg
hagræðing.
Textinn er nokkrar kreddur úr Þjóðsögum Jóns Árnasonar.
(„Ef maður drepur jötunuxa með litla fingri á vinstri hendinni
verður maður laus við sjö stórsyndir.") Þeim til skemmtunar
sem stafa sig fram úr honum lét ég eina smávillu fljóta með.
Kreddutexti
... hefur vörtu svo hvorki hylji hár né klæði né maður sjá hana
sjálfur þá er það auðsmerki. Losni karlmanni skóþvengur er
hann kominn að giftingu. Ef maður hnerrar á nýjársmorgun í
rúmi sínu þá lifir maður það ár. Mikil undirhár eru auðsmerki.
Ef maður finnur ryðjárn milli krossmessu og fardaga á manni að
gefast eitthvað úr kaupstað það sumar. Betra er en ekki að hnerra
á mánudagsmorgni því svo sagði tröllskessan: „Betri er mánu-
dagshnerri en móðurlcoss" og má ætla á það því að eins og tröll
eru trúlynd þá eru þau sannorð. Ef hrækt er á föt manns gefst
nýtt fat af þeim sem hrækti en hrælci maður á sig sjálfur á eftir
að vera logið upp á mann. Ef lconu klæjar í greipar þá verður hún
brátt sótt til að sitja yfir. Ef maður sker sig á fingri meðan mað-
ur er að borða á manni að gefast nýr matur. Aldrci má opna
glugga á næturtíma, sumir segja vetrartíma, nema áður sé kross-
að fyrir, annars koma óhreinir andar inn urn gluggann. Þegar
maður stingur sig á nál slcal stinga henni á tré; þá batnar sviðinn.
Ef maður finnur dauðan mann sem úti hefur orðið á víðavangi
skal maður hagræða honum eitthvað því annars fylgir hann
manni. Þokan er kóngsdóttir í álögum og leysist úr þeim þegar
allir smalar talca sig saman og blessa hana. Ef maður drepur jöt-
unuxa með litla fingri á vinstri hendinni verður maður laus við
sjö stórsyndir. Það er fyrir stórtíðindum ef þrjár...
136