Læknablaðið - 01.12.1934, Blaðsíða 82

172
LÆKNABLAÐIÐ
Gorpus alienum tracheæ,
eftir 61. Þorstelnsson, Reykjavík.
Þar sem corp. alien. tracheæ eru, sem betur fer, mjög sjaldgæf hér á
landi, finst mér ekki úr vegi, aÖ skýra frá einu slíku tilfelli, sem kom fyr-
ir mig fyrir nokkru síðan, og sent mér tókst að ná upp með thachao-brón-
coscopie, eftir að teknar höfðu verið ágætar Röntgenmyndir af sjúklingnum.
Sjúkrasagan er þannig:
T. M., 38 ára, Rvík, kom til mín á lækningastofuna og skýrði mér frá
því, að tieyringur hefði hrokkið ofan í sig. Voru þegar teknar R.-myndir
af sjúkl. á Landspítalanum og kom þá greinilega í ljós, einkum á þeirri
myndinni, sem contrastmatur er í vélindanu, að tíeyringurinn var í bark-
anum, á móts við VI. vertebr. dorsalis, og á myndinni, sem tekin var án
contrastefnis, sést peningurinn greinilega niður undir bifurcation.
Sjúkl. kom til mín ca. iý4 sólarhring eftir að peningurinn hrökk ofan
í hann. Kvaðst hann þá hafa talsverð óþægindi fyrir brjósti, og er hann
lægi á bakið og andaði djúpt, en einkurn, ef hann fengi hóstakjöltur, sagð-
ist hann finna peninginn „blakta til“, eða „kitla sig“ í barkann. Hann var
einnig farinn að finna til nokkurrar mæði og leið yfir höfuð hálfilla.
Á Landsspítalanum gerðum við ]>vi á honum Tracheo-bronchoscopie.
Eftir að hafa penslað vel kokið, aftari pharynxvegg, aftari hluta tung-
unnar og introitus laryngis með 10% cocainupplausn, færðum við tracheo-
scop-pípuna niður í larynx. Sjúkl. var mjög rólegur, svo að pípan gekk
greiðlega fram hjá raddböndunum niður í barkann.
Tíeyringurinn var kominn niður í vinstri bronchus, og sat þar fastur,
á rönd. Farið var með extractions-töng ■— Möntfanger —, niður í gegn-
um pipuna, og tókst að grípa um peninginn, sein var dreginn upp samhliða
tracheoscop-rörinu.
Pípan, sem notuð var, var tiltölulega ný modification af Chevalier-Jack-
sons bronchoscop-pípu, þannig gerð, að ljósleiðslan gengur eftir sérstöku
sliðri h. megin í pípunni, og er ljósperan í distala-endanum á Broncho-
skop-pípunni og lýsir hún þannig mjög vel bæði upp og niður fyrir sig,
og gefur, að því er mér virðist, betra yfirlit, en Clarks-lampi eða Brúnings-
modifikation.
Sjúkl. var dálítið eftir sig á eftir, hafði ofurlitil eymsli í hálsi og nið-
ur eftir barkanum. en ekki meira en það, að hann var útskrifaður af spí-
talanum daginn eftir, þá alfrískur.
Ól. Þorsteinsson.
Summary.
A casereport of a corpus alienum (coin) in the left bronchus, extracted
through a bronchoscope, with a new modification of Chevalier-Jackson’s pipe.