Morgunblaðið - 09.10.2014, Page 10

10 DAGLEGT LÍF
MORGUNBLAÐIÐ FIMMTUDAGUR 9. OKTÓBER 2014
Mannfólkið sér sem betur fer alltaf
eitthvað nýtt í því gamla og nú hefur
fyrrverandi almenningsklósetti frá
nítjándu öld í miðbæ Lundúna verið
breytt í hið ágætasta kaffihús og
samlokubar. Þetta er gott dæmi um
að vert er að leita gullmola á ólíkleg-
ustu stöðum og gleymdir staðir eins
og gömul náðhús fyrir hinn almenna
borgara, geta sannarlega verið góður
staður fyrir kaffihús og matsölustað,
ef fólk er nógu hugmyndaríkt og
hugsar út fyrir rammann. Uppruna-
legar innréttingar frá Viktoríutíman-
um voru látnar halda sér og útkoman
er sannarlega frumleg og flott. Nú
flykkist fólk á þetta forvitnilega fyrr-
verandi klósett til að setjast niður í
ró og næði með bollann sinn.
Að sjá nýtt í gömlu
Náðhúsi breytt
í kaffihús
Notalegt Hér situr maður við borð
þar sem áður voru pissuskálar.
Kristín Heiða Kristinsdóttir
khk@mbl.is
Nokkur okkar sem vorumí kór Menntaskólans íKópavogi um 1980,mynduðum sextett sem
þróaðist síðan út í kvartett,“ segja
vinkonurnar Guðrún Gunnarsdóttir
og Hrafnhildur Halldórsdóttir, en
þær eru tvær þeirra sem skipa
MK-kvartettinn sem ætlar halda
tónleika síðar í mánuðinum eftir
áratuga hlé. „Þetta var fyrir tíma
internetsins og ég unglingurinn fór
til móðursystur minnar sem átti
plötusafn með stríðsárakvartettum,
Andrews-systrum og fleirum, og
fékk lánaðar margar af þessum
hnausþykku 45 snúninga vín-
ylplötum. Heima hjá mér lágum við
síðan á stofugólfinu með plötu-
umslögin á lofti og hlustuðum.
Þannig greindum við raddirnar.
Við fengum þó nokkra eldskírn í
gegnum þessa vinnu og mikla þjálf-
un í að radda,“ segir Hrafnhildur.
Sungu á kosningahátíðum
„Það var brjálað að gera hjá
okkur í þau fimm ár sem við störf-
uðum og við komum víða fram;
meðal annars í framhaldsskólum, í
Brodway, hjá félagasamtökum, í
sjónvarpinu og útvarpinu og við
skemmtum líka oft á kosninga-
hátíðum,“ segir Guðrún, en þegar
hún hélt upp á þrjátíu ára söngfer-
ilsafmæli sitt í fyrra, bað hún
kvartettinn um að koma saman af
því tilefni. „Ætli ég hafi ekki verið
tregust í taumi, ég var komin úr
æfingu, en þau hin hafa öll verið að
syngja frá því við hættum. En ég
gat ekki brugðist vinkonu minni og
í framhaldinu vorum við hvött til að
halda sjálfstæða tónleika. Við höf-
um verið að æfa á fullu undanfarið
og þetta hefur verið frábært. Ég
kem heim full af orku af hverri æf-
ingu,“ segir Hrafnhildur. Guðrún
bætir við að þær Hrafnhildur hafi
skipst á að syngja altröddina þegar
þær voru til skiptist búsettar er-
lendis. „Þuríður Jónsdóttir gekk
síðar til liðs við kvartettinn sem
sópran og því er þetta í raun fimm
manna kvartett. Þuríður ætlar að
syngja með okkur núna á tónleik-
unum.“
Fóru 18 ára í fyrstu upptöku
Guðrún segir að á fyrstu árum
kvartettsins hafi þau sungið einföld
rokk- og svinglög sem þau sömdum
sjálf texta við en Hrafnhildur hafi
verið aðaltextasmiðurinn. Hún seg-
ir suma textana skondna og nefnir
dæmi: „Búa með sinni geit uppí
sveit.“ „En þetta varð fágaðra með
tímanum og við sungum flóknari
útsetningar, til dæmis lög djass-
raddsönghópsins Manhattan
Transfer. Þetta verður bland í poka
á tónleikunum, við ætlum að syngja
bæði gamalt og nýtt. Skarphéðinn
Hjartarson, einn af meðlimum
kvartettsins, hefur útsett mikið af
nýrri lögunum okkar,“ segir Guð-
rún og bætir við að sonur Skarp-
héðins hafi stofnað kvartett í MH
og að þeir ungu strákar verði
gestakvartett á tónleikunum.
Margs er að minnast frá fyrstu ár-
um kvartettsins, t.d. þegar fyrsta
upptakan þeirra var gerð í Hljóð-
rita. „Þá sungum við lag inn á
Kópavogsplötu sem Óli Þórðar í
Ríó tríóinu sá um, en Messóforte
lék undir í þessu lagi. Það var
magnað fyrir okkur sem vorum
ekki nema átján ára og vorum að
stíga í fyrsta sinn inn í hljóðver,“
segir Guðrún.
Morgunblaðið/Eggert
Vinkonur og söngkonur Hrafnhildur og Guðrún hlakka til að syngja saman að nýju í kvartettinum góða.
Lágu á stofugólfi og hlustuðu
Í gamla daga þau voru blessuð börn þegar þau stofnuðu MK-kvartettinn.
Þau voru í menntó þegar
þau stofnuðu MK-kvart-
ettinn og ætla nú áratug-
um síðar að koma saman
og halda tónleika.
Stuð Þuríður í stað Hrafnhildar.
Tónleikarnir verða í Salnum í
Kópavogi 22. okt. Þór Heiðar Ás-
geirsson er fimmti meðlimur
kvartettsins en auk þess mun fjög-
urra manna hljómsveit spila með
þeim á tónleikunum. Hana skipa
Gunnar Gunnarsson, Ásgeir Ás-
geirsson, Þorgrímur Jónsson og
Hannes Friðbjarnarson.
Nemendur sem stunda tungumála-
nám og nemendur sem stunda ís-
lensku sem annað tungumál við Há-
skóla Íslands bjóða gestum og
gangandi til stefnumóts við tungu-
mál og tungumálafulltrúa á Café
Lingua í dag kl. 16.30 í Stúdentakjall-
aranum. Opið öllum sem hafa áhuga
á tungumálum og mismunandi menn-
ingu. Einstakt tækifæri fyrir þá sem
eru að læra nýtt og framandi tungu-
mál, að hitta fólk sem talar tungu-
málið reiprennandi. Frábær mögu-
leiki til að spreyta sig í framandi
málum á hagnýtan hátt, í alþjóðlegu
umhverfi í Stúdentakjallaranum.
Café Lingua í dag
Stefnumót
tungumála
Fjör Spjallað á mörgum tungum.