Morgunblaðið - 09.10.2014, Síða 14

VIÐTAL
Agnes Bragadóttir
agnes@mbl.is
Magnús Geir Þórðarson, útvarps-
stjóri, segir að þegar rekstur Rík-
isútvarpsins undanfarin átta ár sé
skoðaður sé ljóst að mikið hafi verið
hagrætt í rekstrinum. Stöðugildum
hafi fækkað úr 340 í 235. „Það er búið
að skera mikið niður í starfseminni
eins og hún er í dag og umfangið í
raun eins lítið og mögulegt er miðað
við núverandi þjónustu,“ sagði
Magnús Geir í samtali við Morg-
unblaðið í gær.
Eins og fram hefur komið í
Morgunblaðinu gerði endurskoð-
endafyrirtækið PriceWaterhouse-
Coopers (PWC) fjárhagslega úttekt
á RÚV í sumar sem sýndi að RÚV er
yfirskuldsett. Vaxtaberandi skuldir
félagsins nema 5,5 milljörðum króna
og er það uppsafnaður vandi til
margra ára.
Góður fundur með starfsfólki
Magnús Geir fundaði með starfs-
fólki Ríkisútvarpsins í gærmorgun,
þar sem hann fór yfir stöðu RÚV og
svaraði fyrirspurnum. „Þetta var
góður fundur, þar sem ég kappkost-
aði að fara heiðarlega yfir stöðu
mála. Frá því að ný framkvæmda-
stjórn tók við stjórn Ríkisútvarpsins
í vor hefur verið lögð áhersla á að
greina stöðu félagsins og leggja stað-
reyndirnar á borðið og veita eins
markvissar upplýsingar og fært er.
Ég held að starfsfólkið hafi farið upp-
lýstara af fundinum en það var fyrir
fundinn, þótt auðvitað hafi fólk
áhyggjur af stöðunni,“ sagði Magnús
Geir. Hann segir að það eigi bæði við
um stjórn RÚV og starfsfólk. Stjórn
RÚV hafi gert athugasemdir við það,
við fyrri framkvæmdastjórn RÚV, að
upplýsingagjöf til stjórnarinnar væri
ekki nægjanlega markviss og því hafi
hann talið mikilvægt að breyta upp-
lýsingagjöfinni og bæta.
„Stjórn RÚV ákvað á vormán-
uðum að fá sjálfstæða úttekt á stöðu
RÚV og að auki ákvað ný fram-
kvæmdastjórn að gera sjálfstæða
innri úttekt á aðgerðum og þróun síð-
ustu ára. Eftir þessa vinnu liggja
staðreyndir málsins fyrir og það er
út frá þessum staðreyndum sem nú
er unnið. Þessum upplýsingum hefur
að sjálfsögðu verið miðlað til mennta-
málaráðherra sem hefur lýst yfir
vilja til að vinna að farsælli lausn
málsins.“
Þungur rekstur í mörg ár
- Miðað við þá fjárhagsstöðu sem
þú varst að kynna starfsmönnum í
morgun, liggur það ekki beint við að
þið hjá RÚV verðið að ráðast í breyt-
ingar, eins og uppsagnir og nið-
urskurð á þjónustu?
„Vandi RÚV í dag er tvíþættur.
Annars vegar er um að ræða yf-
irskuldsetningu sem á sér margra
ára forsögu og RÚV mun ekki standa
undir til framtíðar. Hins vegar er
ljóst að núverandi rekstrartekjur
standa ekki undir núverandi þjón-
ustu sem grundvallast á lögum og
þjónustusamningi. Reksturinn hefur
verið þungur í mörg ár og er það enn.
Eins og kunnugt er hefur RÚV að-
eins fengið hluta útvarpsgjaldsins í
sinn hlut og ríkið nýtt hinn hlutann í
önnur verkefni. Fram hefur komið að
mikið hafi verið hagrætt í starfsem-
inni á undanförnum árum og það er
mat stjórnar og stjórnenda að lengra
verði ekki gengið miðað við óbreytta
þjónustu. Því þarf annaðhvort að
leiðrétta þjónustutekjurnar eða að
endurskoða hlutverk og skyldur
RÚV frá grunni. Ákvörðun um þetta
er hins vegar að sjálfsögðu ekki á
valdi starfsfólks RÚV heldur er hér
um að ræða stefnumarkandi pólitíska
umræðu sem Alþingi þarf að taka.“
- Af umræðunni að dæma, virðist
vera lítill hljómgrunnur fyrir því að
auka fjárframlög ríkisins til RÚV.
Fyrirtækið hefur tekið 1,4 milljarða
að láni á undanförnum tveimur árum,
á 7,35% vöxtum. Eigið þið nokkurt
val, annað en að ráðast í frekari nið-
urskurð?
„Ég tel að Ríkisútvarpið sé ein
mikilvægasta menningar- og lýðræð-
isstofnun þjóðarinnar. Ríkisútvarpið
skipar stóran sess í hjörtum lands-
manna og að mínu mati er mikilvægi
RÚV síst minna í dag en áður – en til
að það geti sinnt þessu hlutverki þarf
að skapa því heppilegri skilyrði
Ákvörðun um umgjörð, umfang og
þjónustutekjur til Ríkisútvarpsins
liggur hins vegar hjá löggjafanum.“
Kostnaðurinn vanmetinn
- Nú á þessi staða RÚV ekki að
koma þér á óvart, því þú sast jú í
stjórn fyrirtækisins í einhverja mán-
uði áður en þú varðst útvarpsstjóri.
Hvers vegna skiluðu þær aðhalds-
aðgerðir sem ákveðnar voru í fyrra-
haust ekki þeim 500 milljónum í hag-
ræðingu sem að var stefnt?
„Þessi staða sem nú hefur verið
dregin fram er verri en áður hafði
verið kynnt. Talað var um að eftir að-
gerðirnar síðasta vetur væri jafn-
vægi komið á í rekstrinum en annað
hefur komið á daginn. Það eru sann-
arlega mikil vonbrigði. Ég get ekki
svarað nákvæmlega fyrir aðgerðir
þáverandi yfirstjórnar RÚV en okk-
ur virðist þó að menn hafi einfaldlega
vanáætlað þann kostnað sem fylgdi
aðgerðunum, eins og t.d. því að fylla í
dagskrárgötin sem mynduðust við
það að fella niður dagskrárliði. Þann-
ig var ávinningurinn af uppsögn-
unum reiknaður að fullu inn í áætl-
anirnar en kostnaðurinn af því að
fella niður þætti og fylla með öðrum
hætti í dagskrána vanmetinn.“
Magnús segir að frá því að hann og
ný framkvæmdastjórn RÚV tóku við
í maí í vor hafi verið ráðist í heil-
miklar hagræðingaraðgerðir, vegna
þess að á daginn hafi komið að þær
aðgerðir sem þegar hafði verið
ákveðið að ráðast í skiluðu ekki nógu
miklu. „Þegar ný framkvæmdastjórn
tók við voru aðeins fjórir mánuðir
eftir af rekstrarárinu. Strax var grip-
ið til allra viðbótar-hagræðing-
araðgerða sem mögulegt var á þeim
tíma. Við höfum þegar minnkað yf-
irbyggingu, m.a. með því að rýma
hluta húsnæðisins í Útvarpshúsinu,
dregið úr umfangi tæknirekstrar,
selt hluta fótboltaleikja á HM til ann-
arrar stöðvar og margt fleira. Mark-
miðið hefur verið að verja dagskrár-
hlutann en einstaka aðgerðir hafa þó
haft áhrif á dagskrána eins og til
dæmis þegar ákveðið var að færa síð-
asta lag fyrir fréttir fram um fimm
mínútur og skjóta inn tveimur aug-
lýsingahléum á samtengdum rásum,
sem skilar okkur auknum tekjum
upp á 30 til 40 milljónir króna á ári.
Þó enginn hér hefði í raun áhuga á að
gera þessa breytingu þá þótti okkur
hún nauðsynleg í ljósi stöðunnar.
Eins og þú veist hefur þessi breyting
verið gagnrýnd af ýmsum og kallað
fram mikil viðbrögð eins og vænta
mátti.“
Magnús Geir segir að viðbrögðin
við því að færa síðasta lag fyrir frétt-
ir séu lýsandi fyrir þann hug sem fólk
beri til RÚV. „Ríkisútvarpið skipar
ríkan sess í hugum þjóðarinnar og að
mínu mati verður að standa vörð um
Ríkisútvarpið til framtíðar. Ég er
þess fullviss að ef skerða ætti þjón-
ustuna umtalsvert, þá myndi það
kalla á mikla óánægju meðal þjóð-
arinnar. En enn og aftur þá minni ég
á að slíkt er stefnumótandi ákvörðun
sem er ekki tekin af mér, stjórn eða
starfsfólki heldur þyrfti slík ákvörð-
un að vera tekin af Alþingi,“ segir
Magnús Geir Þórðarson, útvarps-
stjóri.
Það er búið að skera mikið niður
 Magnús Geir Þórðarson útvarpsstjóri segir að gífurleg hagræðing hafi átt sér stað í rekstri RÚV á
undanförnum árum  5,5 milljarða skuldsetning Ríkisútvarpsins uppsafnaður vandi til margra ára
Morgunblaðið/Golli
Útvarpsstjóri Magnús Geir Þórðarson segir að skuldsetning RÚV upp á 5,5
milljarða króna sé allt of mikil og reksturinn hafi verið þungur í mörg ár.
RÚV er yfirskuldsett
» Vaxtaberandi skuldir RÚV
eru 5,5 milljarðar króna.
» Skuldabréf í eigu Lífeyris-
sjóðs starfsmanna ríkisins
sem er með ríkisábyrgð er upp
á þrjá milljarða króna.
» Undanfarin tvö ár nemur
lántaka RÚV 1,4 milljörðum
króna. Þau lán bera 7,35%
vexti.
» Greiðslubyrði RÚV af lánum
og skuldabréfinu nemur 593
milljónum króna.
14 FRÉTTIRInnlent
MORGUNBLAÐIÐ FIMMTUDAGUR 9. OKTÓBER 2014
Ármúla 24 • S: 585 2800
EOS fjaðurljósin frá
Opið virka daga 10 -18, laugardaga 11- 16. – www.rafkaup.is
Framkvæmdir við íbúðarblokkir
sem eiga að rísa á Lýsisreitnum
svonefnda í Vesturbæ Reykjavíkur
eru nú í fullum gangi en þessa
dagana er verið að steypa tvöfald-
an bílakjallara sem verður undir
húsunum. Að sögn Pálmars Harð-
arsonar, framkvæmdastjóra Þing-
vangs ehf., starfa nú um fjörutíu
manns við framkvæmdirnar en
það muni ekki verða fyrr en í vor
sem byggingarnar rísi upp úr
jörðinni. Reiknað sé með því að
hægt verði að byrja að steypa
íbúðirnar sjálfar í apríl eða maí.
Þá munu á bilinu 100-150 manns
starfa við verkið en áætlað er að
hægt verði að afhenda fyrstu íbúð-
irnar í lágreistari blokkunum þeg-
ar næsta haust.
Morgunblaðið/Eggert
Koma upp úr jörð-
inni með vorinu