Morgunblaðið - 09.10.2014, Síða 22

22 FRÉTTIRInnlent
MORGUNBLAÐIÐ FIMMTUDAGUR 9. OKTÓBER 2014
Kjartan Kjartansson
kjartan@mbl.is
Sú ákvörðun Íbúðalánasjóðs (ÍLS)
að setja fjögur hundruð íbúðir úr
eignasafni sínu á sölu mun ekki hafa
áhrif á markaðsverð annarra eigna á
húsnæðismarkaði, að mati Ingi-
bjargar Þórðardóttur, formanns Fé-
lags fasteignasala.
Sala eignanna verður kynnt frek-
ar í næstu viku en flestar íbúðanna
eru þegar í útleigu. Sjóðurinn gerir
þá kröfu að þeir sem geri tilboð í
þær geri grein fyrir hvernig þeir
ætla að viðhalda útleigu íbúðanna.
Eignirnar verða seldar í sjö eigna-
söfnum og er heildarfasteignamat
þeirra um 6,5 milljarðar króna.
Ekki sömu kaupendur
Ingibjörg segir að það hljóti að
liggja í hlutarins eðli að ef tugir
íbúða eru í hverju safni og verð
þeirra hleypur á hundruðum millj-
óna og jafnvel yfir milljarði hljóti
það að vera stór félög á borð við
fasteignafélög á leigumarkaði eða
hugsanlega önnur eins Öryrkja-
bandalagið eða Búseti sem muni
kaupa þau.
„Þetta er ekki á markaði fyrir al-
menning og mun ekki hafa áhrif á
fasteignaverð almennt á þessum
svæðum að mínu mati. Þetta eru allt
aðrir kaupendur sem verða þarna að
verki en á almennum markaði þar
sem einstaklingar eru að stærstum
hluta,“ segir hún.
Eignasalan geti frekar haft áhrif á
leiguverð, jafnvel til lækkunar, þeg-
ar svo margar íbúðir komi út á
markaðinn einungis sem leigueignir.
„Það ætti frekar að geta verið já-
kvætt fyrir leigumarkaðinn því
húsaleiguverð hefur náttúrulega
stigið óheyrilega á undanförnum
misserum,“ segir Ingibjörg.
Tryggja búsetu leigjenda
Stærsti hluti íbúðanna sem ÍLS
ætlar að selja nú er á Suðurnesjum
og Austurlandi en þar hafa hlutfalls-
lega flestar íbúðir lent í faðmi hans.
Eignasöfnin skiptast eftir landsvæð-
um og er mismunandi hversu marg-
ar íbúðir eru í hverju þeirra. Alls eru
íbúðirnar í fjórtán sveitarfélögum.
Að sögn Ingibjargar Ólafar Vil-
hjálmsdóttur, stjórnarformanns
ÍLS, er markmið sjóðsins að fækka
eignum í eigu hans, efla leigumark-
aðinn og tryggja búsetu núverandi
leigjenda í íbúðunum.
„Þetta er nýtt að við hópum eign-
unum saman í eignasöfn og reynum
að selja með það markmið að halda
þeim áfram í leigu. Við höfum lagt
mikla áherslu á opið og gegnsætt
ferli og að það sé jafnræði á milli
þeirra sem vilja kaupa íbúðirnar,“
segir hún.
Lækki ekki fasteignaverð
 Formaður Félags fasteignasala telur eignasölu Íbúðalánasjóðs geta haft áhrif til
lækkunar húsaleigu  Flestar íbúðirnar eru á Suðurnesjum og Austurlandi
Morgunblaðið/Ómar
Fasteignir Eignirnar sem Íbúðalánasjóður ætlar að selja eru um 18% af eignasafni hans. Af þessum 400 íbúðum eru 54 á höfuðborgarsvæðinu.
Íbúðirnar sem ÍLS hyggst selja eftir landshlutunum
Austurland
Höfuðborgarsvæðið
Norðurland
Suðurland
Suðurnes
Vesturland
Samtals
Heimild: ÍLS
114
54
38
14
20
160
12
3
2
3
10
3
33
AUÐ ÍLS LEIGIR SALA SAMTALS
63
44
7
11
136
26
287
39
7
5
6
14
9
80
114
54
14
20
160
38
400
Atvinnuvega- og nýsköp-
unarráðuneytið birti í gær úr-
skurð vegna stjórnsýslukæru
Brugghússins-Steðja ehf., vegna
ákvörðunar heilbrigðiseftirlits
Vesturlands frá 13. janúar 2014
að stöðva markaðssetningu og
innkalla hvalabjór. Niðurstaða
ráðuneytisins er að staðfesta beri
ákvörðun heilbrigðiseftirlitsins,
þar sem kæranda hafi skv. lögum
um matvæli, borið sem matvæla-
fyrirtæki að gæta að ákvæðum
laga um dýrasjúkdóma og varnir
gegn þeim, þegar kærandi með-
höndlaði hvalmjöl.
Hvalmjölið fékk Brugghúsið-
Steðji hjá Hval hf. en ráðuneytið
kemst að þeirri niðurstöðu að
Hval hafi ekki verið heimilt að
afhenda brugghúsinu hvalmjöl,
þar sem Hvalur hafi ekki starfs-
leyfi til þessa skv. lögum um mat-
væli né hafi fyrirtækið haft til
þess heimild sbr. lögum um dýra-
sjúkdóma og varnir gegn þeim.
Í úrskurði ráðuneytisins er hins
vegar tekið fram að það telji að
brugghúsið hafi gætt að skil-
yrðum laga með þeim hætti að
hvalabjórinn væri öruggur, með
innra eftirliti og rekjanleika af-
urðarinnar.
Staðfestu
ákvörðun
eftirlitsins
 Ráðuneytið telur
hvalabjórinn öruggan
Lögreglan á höfuðborgarsvæðinu
varar á Facebook-síðu sinni við því
að undanfarið hafi borið mikið á
tölvupóstsendingum þar sem fólk
er beðið um að fara inn á tiltekna
vefslóð vegna vandamála við
heimabanka viðkomandi. „Auðvitað
er þarna um svikapóst að ræða, en
svo virðist sem flóð af slíkum beiðn-
um dynji á landanum. Við biðjum
fólk að svara þessum beiðnum alls
ekki og eyða póstinum,“ segir í
færslu lögreglunnar.
Vara við
tölvupóstum
Helgi Bjarnason
helgi@mbl.is
„Ég verð fyrst og fremst skólastjóri
en það er einnig gott að geta gefið af
sér til samfélagsins og tekið þátt í
uppbyggingunni,“
segir Sif Hauks-
dóttir, skólastjóri
Breiðdalsskóla,
sem samhliða
skólastjórastarf-
inu tekur við hluta
af verkefnum
sveitarstjóra.
Fyrir hefur leg-
ið að Páll Bald-
ursson sveit-
arstjóri myndi láta
af störfum hjá Breiðdalshreppi vegna
flutnings úr sveitarfélaginu en hann
hefur gegnt starfinu í rúm átta ár.
Sveitarstjórn ákvað að ráða ekki nýj-
an sveitarstjóra vegna erfiðrar fjár-
hagsstöðu.
Sveitarstjórn samþykkti á fundi í
vikunni að ráða Sif í stöðu verk-
efnastjóra í hlutastarfi. Það felst fyrst
og fremst í því að stýra fjármálum og
rekstri sveitarfélagsins. Sif verður
áfram skólastjóri að aðalstarfi en
kennsluskylda hennar minnkuð.
Sveitarstjórn og skrifstofustjóri munu
taka að sér ýmsa aðra þætti sem snúa
að stjórnun sveitarfélagsins.
Sif tók við stöðu skólastjóra í sumar
en hún bjó áður á staðnum í áratug.
„Mér var boðið að fara í þetta starf.
Ég hugsaði mig augnablik um og tók
því,“ segir hún. Talsvert hefur breyst
frá því hún flutti úr Breiðdal, fyrir
fjórtán árum. Íbúum hefur fækkað og
börnum í skólanum. „Þetta er sama
góða samfélagið. Hér er margt gott
fólk og mér sýnist margt vera að ger-
ast í uppbyggingu.“
Börnum fjölgar aftur
Á síðasta vetri voru 11 börn í skól-
anum en þeim fjölgaði í 18 í haust.
„Það fluttust hingað fjölskyldur með
fjögur og tvö börn á grunnskólaaldri.
Hver fjölskylda vegur mikið í svona
litlu samfélagi. Hér í skólanum ríkir
gleði og gaman. Ég hlakka til hvers
dags með þessum yndislegu börnum,“
segir Sif.
Fjárhagsstaða Breiðdalshrepps er
erfið. Sif segist gera sér grein fyrir
því og líta þurfi í öll horn og spara eins
og hægt sé. „Ég er þess fullviss að ef
allir taka höndum saman er hægt að
gera góða hluti og sýnist að margir
innan samfélagsins séu nú þegar vel á
veg komnir með góða uppbyggingu,“
segir hún.
Ekki nýr sveitar-
stjóri í Breiðdal
 Skólastjóri tekur við hluta verkefna
Sif
Hauksdóttir
ÚRAFRAMLEIÐANDI
Í HEIMI
SENNILEGA MINNSTI
www.gilbert.is