Þjóðlíf - 01.08.1991, Blaðsíða 70
VEGGFOÐUR
Tökum á ódýrustu íslensku kvikmyndinni að Ijúka. Reiknað með að Veggfóður
verði frumsýnd nœsta sumar
KRISTÓFER DIGNUS PÉTURSSON
Aðalleikararnir tveir, þeir Baltazar Kormákur (Lassi) og Steinn Armann Helgasson (Sveppi) i
Á sama tíma og verið er að gera eina
dýrustu og veigamestu kvikmyndina sem
framlcidd hefur verið hér á landi, mynd
Kristínar Jóhannesdóttur Svo á jörðu
svo á himnum, er tökum á einni ódýrustu
og óvenjulegustu íslensku kvikmyndinni
að ljúka. Þetta er myndin Veggfóður en
aðstandendur hennar fóru ótroðnar
slóðir við framleiðsluna.
Það er Kvikmyndafélag íslands sem er
framleiðandi Veggfóðurs en aðaleigendur
þess eru Júlíus Kemp sem einnig er leik-
stjóri og Jóhann Sigmarsson en hann
skrifar handritið ásamt Júlíusi. Fram-
kvæmdastjóri er Vilhjálmur Ragnarsson
og kvikmyndatökumaður Jón Karl
Helgason. Fjöldi annarra aðila leggur
hönd á plóginn við gerð þessarar myndar,
t.d. María Ólafsdóttir sem er einn efni-
legasti fatahönnuðurinn á Islandi í dag.
Aðalleikendur eru Baltazar Kormákur,
Framkvæmdastjóri Veggfóðurs Vilhjálmur Ragnarsson með klappborðið og handritshöfundur-
inn Jóhann Sigmarsson á tökustað við Laugardalslaugina.
Steinn Ármann Magnússon, Ingibjörg
Stefánsdóttir og Ari Matthíasson. Einn-
ig koma fram margar gamlar kempur, svo
sem Flosi Ólafsson, Egill Ólafsson,
Raggi Bjarna og Rósa Ingólfsdóttir að
ógleymdri hljómsveitinni Pops, með Pét-
ur Kristjánsson í fararbroddi eins og hún
var skipuð um 1970.
Myndin fjallar um tvo unga menn, þá
Sveppa og Lars, leikna af Baltazar og
Steini. Þeir verða ástfangnir af sömu
stúlkunni, henni Sól sem leikin er af Ingi-
björgu, og veðja um það hvor þeirra muni
ná ástum hennar fyrr. Þeir taka að sér
rekstur skemmtistaðar, inn í fléttast ýms-
ar persónur og ýmislegt kemur fyrir þá
gott og vont. Upptökur fara fram í miðbæ
Reykjavíkur, Nesjavöllum og við Þorláks-
höfn. Reyna á að ljúka tökum á sex vikum
70 ÞJÓÐLÍF
h •