Læknablaðið : fylgirit - 01.01.2007, Blaðsíða 27

ÁGRIP ERINDA / XIII. VÍSINDARÁÐSTEFNA HÍ
með Pncl-TT og LT-K63 svöruðu TT örvun in vitro með aukinni
frumufjölgun (P=0,01), IFN-7 (P=0,005), IL-4 (P=0,005), IL-5
og IL-10 (P=0,007) seytun miðað við hóp sem fékk Pncl-TT án
ónæmisglæða. Frumur úr músum sem fengu Pncl-TT og CpG2006
sýndu einungis aukna IL-10 (p<0,001) seytun. B-frumur músa
sem fengu Pncl-TT með LT-K63 eða CpG2006 juku tjáningu á
MHCII (p<0,005) og CD86 (P<0,005 og P<0,05) en CD40 var
einungis aukið á B-frumum músa sem fengu LT-K63 (P<0,05)
eftir in vitro örvun með TT. B-frumur músa sem fengu LT-K63
voru með hærri tjáningu á MHCII, CD86 og CD40 en þeirra
sem fengu CpG2006 (P=0,008, P<0,001, P=0,009) eða engan
ónæmisglæði (P=0,018, P=0,015, P=0,009).
Ályktanir: Bæði LT-K63 og CpG2006 auka ónæmissvar nýbura
gegn Pncl-TT þó svo þeir virki á mismunandi hátt.
E 9 Átfrumur úr miltum músa sem fengu fiskolíu í fæði
auka IL-4 myndun miltisfrumna
Dagbjört Helga Pétursdóttir, Ingibjörg Harðardóttir
Lífefna- og sameindalíffræðistofa, læknadeild HÍ
dhp@hi.is ih@hi.is
Inngangur: Fiskolía í fæði dregur úr frumufjölgun og IL-2
myndun T-frumna eftir örvun með eitilfrumuræsum. Við höfum
áður sýnt að fiskolía í fæði minnkar TNF-a og IFN-y myndun
en eykur hins vegar IL-4 myndun miltisfrumna eftir örvun
með eitilfrumuræsum. Markmið rannsóknarinnar var að kanna
hvernig fiskolía hefur þessi áhrif.
Efniviður og aðferðir: Miltisfrumur voru einangraðar úr BalbC
músum sem fengið höfðu fæði bætt með fiskolíu eða kornolíu
í fjórar vikur. T-frumur og átfrumur sem tjá CDllb voru
einangraðar og ræktaðar sitt í hvoru lagi, saman, eða saman með
innleggi til að koma í veg fyrir snertingu átfrumna og T-frumna.
Frumurnar voru örvaðar með mótefnum gegn CD3 og CD28.
Styrkur frumuboða í floti var mældur með ELISA aðferð.
Niðurstöður: Fiskolía í fæði jók IL-4 myndun miltisfrumna (T-
frumur og átfrumur ræktaðar saman) eftir örvun með mótefnum
gegn CD3 og CD28. Hins vegar hafði fiskolía í fæði ekki áhrif
á IL-4 myndun einangraðra T-frumna. Fiskolía í fæði músa jók
fjölda CDllb jákvæðra átfrumna í miltum. Einangraðar CDllb
jákvæðar átfrumur úr milta mynduðu ekki IFN-y eða IL-4 eftir
örvun með mótefnum gegn CD3 og CD28. Þegar T-frumur voru
ræktaðar með CDllb jákvæðum átfrumum jókst IL-4 myndun
frumna úr músum sem fengið höfðu fiskolíu borið saman við IL-4
myndun frumna úr músum sem fengið höfðu kornolíu. Sama var
hvort frumurnar voru ræktaðar með eða án snertingar (innlegg á
milli T-frumna og átfrumna).
Ályktanir: CDllb jákvæðar átfrumur úr miltum músa sem fengu
fiskolíu auka IL-4 myndun miltisfrumna mögulega með því að
seyta leysanlegum þætti sem hefur áhrif á T-frumur.
E 10 Mótefnasvar og ónæmisminni aukast við bólusetningu
nýburamúsa með próteintengdum meningókokkafjölsykrum
C ef ónæmisglæðirinn LT-K63 er gefinn með
Siggeir F. Brynjólfsson1'2, Stefanía P. Bjarnarson12, Giuseppe Del Giudice3,
Ingileif Jónsdóttir1-2
‘Ónæmisfræðideild Landspítala, 2læknadeild HÍ, 3Novartis Vaccines, Siena,
Ítalíu
siggeir@landspitali.is ingileif@landspitali.is
Inngangur: Ónæmiskerfi nýbura einkennist af vanþroska. Pví
er brýnt að þróa bólusetningarleiðir sem hámarka vernd gegn
smitsjúkdómum, sértstaklega í nýburum. Meningókokkar, sem
geta valdið heilahimnubólgu og blóðsýkingu, eru gott dæmi
um slíkan sýkil. Nýburamúsalíkan fyrir pneumókokkasýkingar
hefur verið aðlagað að bólusetningu gegn meningókokkum. Þar
sem meningókokkar sýkja ekki mýs, er verndandi virkni í sermi
eftir bólusetningu metin in vitro sem drápsvirkni sermis (serum
bactericidial activity, SBA). Verndandi áhrifum próteintengdra
MenC bóluefna hefur verið lýst í unglingum og ungbörnum en
þau hafa ekki verið gefin nýburum.
Markmið rannsóknarinnar var að meta hæfni próteintengds
fjölsykrubóluefnis gegn meningókokkum af gerð C (MenC-
CRM197) til að vekja ónæmissvar í nýburamúsum. Áhrif
ónæmisglæðisins LT-K63 og mismunandi bólusetningaleiða voru
einnig könnuð.
Efniviður og aðferðir: Nýburamýs (einnar viku gamlar) voru
frumbólusettar með MenC-CRM með eða án LT-K63, undir
húð (s.c.) eða um nef (i.n.) og endurbólusettar 16 dögum síðar
með MenC-CRM með eða án LT-K63, MenC fjölsykru, LT-K63
eða saltvatni eftir sömu leið. Mótefni voru mæld með ELISA og
minnismyndun metin. Eftir er að mæla SBA.
Niðurstöður: MenC-CRM var lítt ónæmisvekjandi, en LT-K63
jók ónæmisvarið marktækt gagnvart MenC-CRM bæði við
bóluetningu s.c. og i.n. Endurbólusetning með MenC-CRM og
LT-K63 kallaði fram sterkt ónæmissvar og mikla aukningu í IgG
mótefnamagni.sem gefur til kynna að minnisfrumur hafi myndast
við frumbólusetningu. Endurbólusetning með fjölsykru og LT-
K63 gaf slakt mótefnasvar.
Ályktanir: Rannsóknin sýndi að ónæmisglæðirinn LT-K63 eykur
mótefnasvar og ónæmisminni gegn MenC-CRM í nýburamúsum,
bæði við bólusetningu s.c. og i.n., og bendir til að hægt sé
að þróa örugga og öfluga leið til bólusetningar nýbura gegn
meningókokkum C.
E 11 Fyrstu sýnilegar breytingar í Sveinssons æðu- og
sjónhimnurýrnun eru yst í taugavef sjónhimnu
Friðbert Jónasson
Augndeild Landspítala
sirrybl@landspitali.is
Inngangur: Kristján Sveinsson augnlæknir lýsti fyrstur allra
þessum sjúkdómi og sýndi fram á ríkjandi erfðir. Við höfum
nú fundið genið sem veldur sjúkdómnum. Tilgangur núverandi
rannsóknar er að finna þær frumur þar sem sjúkdómurinn byrjar,
Læknablaðið/fylgirit 53 2006/93 27