Læknablaðið : fylgirit - 01.01.2007, Blaðsíða 3

i IL Úð'h
\J(k
Læknablaðið
THE ICELANDIC MEDICAL JOURNAL
Þrettánda ráðstefnan um rannsóknir
í líf- og heilbrigðisvísindum
í Háskóla íslands
Á síðasta ári var samþykkt stefna Háskóla íslands til næstu fimm ára. Þessi stefna grundvallast
á því að háskólinn hafi ríkar skyldur við þjóðfélagið og að honum beri að byggja hér upp nám
og rannsóknir í fremstu röð. Þetta er mjög metnaðarfull stefna þar sem lögð er sérstök áhersla á
eflingu rannsókna og framhaldsnáms.
I ljósi þessa leggjum við sem stöndum að 13. ráðstefnu HI um rannsóknir í Iíf- og
heilbrigðisvísindum sérstaka áherslu á framlög nema í doktors- og meistaranámi. Ráðstefnan er
haldin á vegum læknadeildar, tannlæknadeildar, lyfjafræðideildar og hjúkrunarfræðideildar HÍ
og umsjón með henni hefur sameiginleg undirbúningsnefnd þessara deilda.
Rannsóknavirkni er mikil innan þessara deilda þrátt fyrir erfiðar aðstæður og oftast takmarkað
fjármagn. Þetta sýnir sig í birtingum í virtum alþjóðlegum vísindaritum. Rannsóknatækifærin eru
mikil og á sumum sviðum einstök, meðal annars vegna tengsla háskólans við Landspítala og
vönduð gagnasöfn.Töluvert vantar hins vegar á að háskólakennarar geti sinnt rannsóknum sem
skyldi. Hér vantar til dæmis nær alveg stöður nýdoktora sem eru helsti drifkraftur í rannsóknum
flestra virtra háskóla í heiminum. Þessu verður að breyta ef HÍ á að ná settum markmiðum.
Virkt samstarf við erlendar rannsóknastofnanir og háskóla er okkur bráðnauðsynlegt og
það er ánægjulegt að sjá þess merki í framlögum til þessarar ráðstefnu þar sem margir erlendir
samstarfsmenn eru meðal höfunda.
Rektor háskólans, Kristín Ingólfsdóttir, hefur lagt áherslu á mikilvægi þess að hægt sé að
stunda doktorsnám og meistaranám við HI. Um þetta hefur náðst góð samstaða bæði innan
háskólans og utan. Styrkir til framhaldsnáms frá Háskólasjóði Eimskipafélags Islands eru frábært
framlag til þessa. Við ákváðum því að kynna sérstaklega þau verkefni í heilbrigðisvísindum sem
hlutu styrk við fyrstu úthlutun styrkja úr þessum sjóði. Þessi verkefni verða kynnt með stuttum
erindum í lok ráðstefnunnar og einnig á veggspjöldum.
Alls bárust 260 framlög til ráðstefnunnar og verða þau kynnt með stuttum erindum eða
veggspjöldum. Að auki verða haldnir fjórir gestafyrirlestrar og einnig tvö lengri erindi sem valin
voru úr aðsendum framlögum. Efni ráðstefnunnar er mjög fjölbreytt og mörg metnaðarfull
verkefni verða kynnt. Veggspjöld verða uppi báða dagana og það er von okkar að þau, jafnt og
erindi, fái verðskuldaða athygli.
Birna Þórðardóttir er nú framkvæmdastjóri ráðstefnunnar í fimmta sinn og undirbúningsnefnd
þakkar henni frábær störf.
Jórunn Erla Eyfjörð
formaður Vísindanefndar lœknadeildar
og undirbúningsnefndar
^ÍÓkasafnT^

Fylgirit 53, 93. árg. Janúar 2007
Aðsetur
Hlíðasmári 8, 201 Kópavogi
Útgefandi
Læknafélag (slands
Læknafélag Reykjavíkur
Símar
Læknafélög: 564 4100
Læknablaðið: 564 4104
Bréfsími (fax): 564 4106
Læknablaðið á netinu
www. laeknabladid. is
Ritstjórn
Bryndís Benediktsdóttir
Engilbert Sigurðsson
Karl Andersen
Tómas Guðbjartsson
Þóra Steingrímsdóttir
Jóhannes Björnsson,
ábm. og ritstjóri
Ritstjórnarfulltrúi
Védís Skarphéðinsdóttir
vedis@lis.is
Auglýsingastjóri og ritari
Dögg Árnadóttir
dogg@lis.is
Blaðamaður
Hávar Sigurjónsson
havar@lis.is
Umbrot
Sævar Guðbjörnsson
saevar@lis.is
Upplag
2100
Áskrift
6.840,- m. vsk.
Lausasala
700,- m. vsk.
© Læknablaðið
Læknablaðið áskilur sér rétt
til að birta og geyma efni
blaðsins á rafrænu formi,
svo sem á netinu.
Blað þetta má eigi afrita
með neinum hætti, hvorki
að hluta né í heild án leyfis.
Prentun og bókband
íslandsprent ehf.
Steinhellu 10
221 Hafnarfirði
Pökkun
Plastpökkun ehf.
Skemmuvegi 8m
200 Kópavogi
ISSN: 0254-1394
Læknablaðið/
Fylgirit 53 2007/93 3