Frjáls verslun - 01.02.2009, Qupperneq 19

F R J Á L S V E R S L U N • 2 . T B L . 2 0 0 9 19
Forsíðugrein Ljósið í myrkrinu
Egill Jóhannsson.
Egill Jóhannsson,
framkvæmdastjóri Brimborgar:
Jákvæðnin má ekki
snúast upp í klisjur
Sókn okkar í jákvæðni má auðvitað ekki snúast upp í klisjur,
óraunsæi og sköpun ímyndar sem á sér enga stoð í raunveru-
leikanum. Höldum okkur á jörðinni um leið og við horfum jákvætt
inn í framtíðina.
Mér finnst rigningin góð, hugsaði Snorri Sturluson eflaust
þegar regndroparnir féllu á koll hans, enda trygging fyrir öruggu
aðgengi að hreinu og fáránlega ódýru vatni þúsund árum seinna
fyrir afkomendur hans. Aðgengi að ódýrri og endurnýjanlegri orku
er ómetanlegt á tímum sífellt dýrari og takmarkaðri orkukosta.
Klisjurnar um sterkustu mennina og fallegustu konurnar heyr-
ast varla lengur. Það er þó engin klisja að náttúran íslenska er
gjöful og öðruvísi en náttúra annarra landa.
Í kjölfar Hrunsins eru íslenskar náttúruperlur enn á sínum
stað. Bara frægari. Margar þjóðir standa okkur langt að baki
hvað varðar sveigjanleika vinnumarkaðar, mannauðsins, en þrátt
fyrir það eru réttindi launþega með því besta sem þekkist.
Af botninum er besta spyrnan á meðan maður gefst ekki upp
og áttar sig á því að það er auðveldara að stjórna, breyta og
skapa hugmyndir í kreppu en góðæri.
Í Hruninu liggur tækifæri til að sýna umheiminum að við
munum rísa aftur upp á fæturna og byggja upp sjálfbært samfé-
lag sem byggir á opinni, gagnrýninni umræðu og gagnsæi, með
góðu aðgengi að upplýsingum.
Frosti Sigurjónsson,
framkvæmdastjóri Dohop:
Ísland skýst eins og
korkur upp úr kafinu
Vandamál eru hvati að nýjum uppgötvunum og stofnun nýrra
fyrirtækja. Kreppu fylgir stóraukið framboð á krefjandi vanda-
málum og þannig aukinn hvati til að stofna ný fyrirtæki á ýmsum
sviðum. Sum þessara nýju sprotafyrirtækja geta orðið stór-
fyrirtæki eftir nokkur ár. Munum að Marel, Össur og CCP voru
eitt sinn sprotar.
Atvinnuleysi örvar vöxt sprotafyrirtækja. Þegar vinna er næg
og laun há er lítill hvati til þess að segja upp og stofna eigin
fyrirtæki. Nú dusta menn rykið af gömlu hugmyndunum og slá
til. Óvíða er auðveldara og ódýrara að stofna fyrirtæki en á
Íslandi.
Njótum trausts. Dohop ehf. er útflutningsfyrirtæki og á því í
daglegum samskiptum við stór og smá fyrirtæki erlendis. Ófarir
íslenska bankakerfisins hefur ekki á nokkurn hátt dregið úr
trausti útlendinga til okkar eða vilja þeirra til að eiga viðskipti við
okkur.
Fjármagn er til og það leitar að góðum fyrirtækjum og fjár-
festingatækifærum.
Þekking og færni Íslendinga til að grípa viðskiptatækifæri
hefur aldrei verið meiri. Ísland mun skjótast eins og korkur upp
úr kafinu.
Til fróðleiks: Fyrirtækið Dohop rekur ferðaleitarvélina
www.dohop.com.
Frosti Sigurjónsson.