Frjáls verslun - 01.02.2009, Qupperneq 20

20 F R J Á L S V E R S L U N • 2 . T B L . 2 0 0 9
Ljósið í myrkrinu Forsíðugrein
Guðrún Lárusdóttir, forstjóri Stálskipa:
Náttúruauðlindir
og hátt menntunarstig
Hvað er jákvætt í þeirri stöðu sem íslenskt þjóðfélag stendur
frammi fyrir, eftir að bankakerfi landsins hefur verið blóðmjólkað og
góðæri liðinna ára kastað á glæ eða hvað?
Að vera stjórnandi fyrirtækis reynir alltaf á og þá ekki síður á
þeim tímum sem við göngum nú inn í. Það sem hlýtur að vera
erfiðast er að þurfa að segja upp fólki, horfa fram á birgðasöfnun
á afurðum sem vonandi er tímabundin, búa við gengissveiflur og
lausafjárskort.
Ennþá ráðum yfir okkar nátturuauðlindum. Sjávarútvegur, land-
búnaður og orkuiðnaður og aðrar gjaldeyrisskapandi atvinnugreinar
standa vel. Við framleiðum gæðavörur og höfum alla burði til að
vera samkeppnisfær með okkar vörur hvar sem er í heiminum.
Menntunarstig er hátt og nú reynir á hugkvæmni og skipulags-
hæfni fólks til að skapa ný störf, halda á lofti gömlu góðu gildunum,
um að nýta hlutina vel og skapa nýja úr því hráefni sem við höfum.
Annað ljós í myrkrinu er ekki síður það að siðferðiskennd og
samheldni fólks hefur aukist. En því miður eru líka „villuljós“ á ferð-
inni; því er haldið fram að hag landsins sé betur borgið með upp-
töku evru sem gjaldmiðils, ásamt umsókn um inngöngu í ESB. Þó
að augljóst ætti að vera öllum að verðið, sem greiða á með, er
afsal á okkar auðlindum og þar með sjálfstæði landsins.
Þó að syrti í álinn núna er óþarfi að hlaupa til og ætla að fórna
meiri hagsmunum fyrir minni með slíkri uppgjöf.
Guðrún Lárusdóttir.
Jón Sigurðsson, forstjóri Össurar:
Snerpa og sveigjan-
leiki vinnumarkaðar
Í dag er mikilvægt að hafa í huga að íslenska þjóðin
getur dregið lærdóm af því ástandi sem nú ríkir. Við
búum í þróuðu samfélagi með einstakri náttúru, fjöl-
breyttu menningarlífi og menntaðri þjóð sem hefur alþjóð-
lega reynslu, metnað og er opin fyrir nýjungum.
Endalaus tækifæri leynast í nýsköpun sem skapað
getur fleiri störf í framtíðinni. Þá má benda á að snerpa
og sveigjanleiki hafa einkennt íslenskan vinnumarkað og
því þarf að viðhalda.
Líta verður á íslenskt atvinnulíf sem hluta af hinu
alþjóðlega viðskiptalífi og verða starfsskilyrði því að vera
samkeppnishæf við önnur lönd.
Mikilvægt er að atvinnurekstur á Íslandi fái að vera í
friði fyrir óhóflegum inngripum ríkisvaldsins, s.s. gjald-
eyrishöftum.
Þá skiptir sköpum að festast ekki í skammtíma-
hugsun, vegurinn áfram er ekki að loka Íslandi heldur
þarf að tengja landið við stærra svæði með því að ganga
í Evrópusambandið.
Við ætlum okkur að komast út úr þessum erfiðleikum,
allar kreppur taka enda og í hverri ógn felst tækifæri.
Jón Sigurðsson.