Frjáls verslun - 01.02.2009, Side 41

F R J Á L S V E R S L U N • 2 . T B L . 2 0 0 9 41
a ð G r Í P a t æ k i f æ r i ð
Verslunin Drangey á sér langa sögu en hún var opnuð árið 1934 og
var fyrst rekin sem matvöruverslun í húsnæði við Grettisgötu. Síðar
flutti hún í húsnæði við Laugaveg og fékkst þar þá aðallega vefn-
aðarvara og síðar leðurvörur, en verslunin er einmitt þekkt í dag
fyrir vandaðar leðurvörur svo sem töskur, hanska og seðlaveski.
María G. Maríusdóttir hefur rekið verslunina í 15 ár. „Ég hafði
unnið sem dagskrárgerðarkona, fyrst í útvarpi og síðan í sjónvarpi,
en í mér blundaði áhugi á eigin atvinnurekstri. Því réð fyrst og
fremst reynsla mín í gegnum árin. Mér fannst ég vera tilbúin til að
standa á eigin fótum og vildi nýta eigið hugmyndaflug.“
María segir tilviljun hafa ráðið því að hún fór einn daginn inn
í verslunina Drangey við Laugaveg. „Ég fékk samstundis áhuga á
þeim vörum sem þar fengust en leðurtöskur og skór hafa alla tíð
höfðað til mín. Ég hef gaman af öllu því sem er fallegt.“
María festi kaup á versluninni viku síðar.
áherslurnar
María bendir á að um rótgróna verslun hafi verið að ræða sem
þarfnaðist endurnýjunar. Þarna fékk hún tækifæri til að nota sköp-
unargáfuna með því að gefa henni nýtt útlit og auka vöruúrvalið.
Önnur verslun var opnuð í Smáralind árið 2001 en tveimur
árum síðar var ákveðið að verslunin skyldi eingöngu vera þar. „Það
var ekki grundvöllur fyrir því að reka báðar verslanirnar.“
Vöruúrvalið í Drangey hefur aukist á undanförnum árum og
fyrir utan leðurvörur svo sem veski, hanska og seðlaveski fást þar í
dag skart, yfirhafnir úr leðri og Titan-ferðatöskur. Vörurnar í versl-
uninni eru meðal annars frá Danmörku, Ítalíu, Þýskalandi og
Belgíu. María segir að það sé úr miklu að velja og vandi að missa
ekki sjónar á aðalatriðunum.
„Ég legg áherslu á að þjóna eftirspurn viðskiptavinanna og
gleyma því ekki að Drangey er rótgróin verslun og að viðskiptavinir
hennar spanna þrjár kynslóðir.“
Þegar María er spurð hvað verslunarreksturinn gefi henni segir
hún: „Ég hef notið mín enn betur en áður og getað nýtt hæfileika
mína betur og svo fæ ég útrás fyrir sköpunargáfuna.“
María er í FKA, Félagi kvenna í atvinnurekstri. „Félagsstarfið
gefur mér kjark og dug til að halda áfram. Samverustundir með
dugnaðarkonum gefa mér byr í seglin.“
ný verslun í apríl
Eitt af vörumerkjunum í Drangey er hið danska Rudi & Harald
Nielsen en María hefur flutt inn og selt vörur frá fyrirtækinu frá
árinu 1996. Hún ætlar að opna verslunina Napoli í Smáralind í
apríl en þar munu eingöngu fást vörur frá Rudi & Harald Nielsen.
„Þetta vörumerki á sér langa sögu á Norðurlöndunum.“ Um er að
ræða skó, töskur og ýmsa aukahluti en vörurnar eru að mestu fram-
leiddar á Ítalíu.
„Mér fannst vera tími til kominn að leyfa þessari fallegu vöru að
njóta sín betur.“
Aðspurð hvort hún sé ekki hrædd við að opna verslun eins og
efnahagsástandið er segir María: „Tækifæri leynast í öllum erf-
iðleikum og í þetta sinn brýni ég mig með bjartsýni.“
María G. Maríusdóttir
í versluninni drangey:
„Ég hef notið mín enn betur en áður
og nýtt hæfileika mína betur. Ég fæ
útrás fyrir sköpunargáfuna.“