Frjáls verslun - 01.02.2009, Side 70

70 F R J Á L S V E R S L U N • 2 . T B L . 2 0 0 9
Gylfi Zoëga, hagfræðingur:
„Við skildum bara ekki
hvað þú varst að segja“
„Brást okkur hagfræðin?“ spurði svanhildur hólm Gylfa Zoëga hag-
fræðing. hann svaraði að bragði: „sumir leggja dálítið þungar byrðar á
stéttina. Það vantar alveg útskýringar á því sem er að gerast. Þeir sem
bera ábyrgð bregðast og útskýra ekki hvað gerðist né heldur hvaða
leiðir séu út úr vandanum, hver sé framtíðin Það þarf til þess að fólk-
inu líði betur og það geti tekið við vandanum. Það sem við getum ekki
tekið er óvissan.“
Gylfi hélt áfram og sagði að við þetta hafi myndast gríðarlegt tóma-
rúm. svo blandast saman upplýsingagjöfin og pólitík stjórnmálamann-
anna sem um málið tala. „Þá koma háskólahagfræðingarnir. Ég hafði
aldrei komið í sjónvarp í október í fyrra og ætlaði aldrei að gera það en
svo var ég allt í einu farinn að halda hagfræðifyrirlestra í Kastljósi, en
það er svo auðvelt að misskilja ...“
ólafur Ísleifsson, lektor við hR:
Efla verður stoðir
atvinnustarfseminnar
Yfirskrift erindis Ólafs Ísleifssonar, lektors við Háskólann í
Reykjavík, var „Úr hruni til hagsældar“ og ræddi hann um
hvað þyrfti til að endurreisa atvinnulífið í landinu.
„Íslenskt samfélag á nú allt undir því að efldar verði stoðir
atvinnustarfseminnar. Til þess þarf í senn að viðhalda og bæta
samkeppnisstöðu atvinnurekstrar í landinu. Efnahagsstefna
stjórnvalda verður að miðast við að atvinnustarfsemi fái vaxið og
dafnað í krafti eigin samkeppnishæfni en ekki á grundvelli vernd-
arstefnu eða enn aukinna opinberra útgjalda. Atvinnufyrirtækin
búa nú við skilyrði sem hvarvetna þættu óviðunandi. Hvers má
vænta um mannlíf í landi þar sem svo er komið? Spurningin
svarar sér sjálf,“ sagði Ólafur.
Hagsældin og umheimurinn
„Lífskjör á borð við það sem best gerist, og þjóðin ætlast til að
njóta, fást ekki með sjálfsþurftarbúskap sem felst í að þjóðin búi
ein að sínu og sýnt er að landbúnaður og sjávarútvegur, svo ágætar
atvinnugreinar sem hér um ræðir, megna ekki einar að standa
undir hagvexti svo neinu nemi. Hagsældina verður að reisa á
sterkum viðskiptatengslum við umheiminn, alþjóðavæðingu og
opnum og frjálsum mörkuðum.“
Ólafur sagði ennfremur að í engu mætti spilla samkeppn-
ishæfni íslenskra atvinnufyrirtækja og þess vegna sé brýnt að
standa vörð um skattalegt umhverfi sem stuðlar að uppbyggingu
fyrirtækja og getur laðað að erlenda fjárfestingu í atvinnustarfsemi
hér á landi. „Efnahagslífið þarf hagkvæma og örugga stjórnsýslu
sem myndar traustan ramma fyrir atvinnustarfsemina.“
Gylfi Zoëga
hagfræðingur
var miður sín í
New York.
Ólafur Ísleifsson, lektor í Háskólanum í Reykjavík.
iðnþing 2009