Frjáls verslun - 01.04.2009, Qupperneq 12
Fyrst þetta...
12 F R J Á L S V E R S L U N • 3 . T B L . 2 0 0 9
Tinna Björk Hjartardóttir hefur verið ráðin markaðsstjóri hugbúnaðar-
fyrirtækisins Applicon ehf. Tinna hefur starfað í tvö og hálft ár hjá
Applicon, fyrst sem Microsoft-ráðgjafi og svo sem vörustjóri SharePoint
lausna. Hún starfaði áður sem markaðsstjóri hjá Marel Ltd. í Bretlandi.
Tinna er tölvunarfræðingur að mennt frá Háskólanum í Reykjavík.
Applicon er norrænt ráðgjafar- og þjónustufyrirtæki í viðskiptahug-
búnaði með áherslu á SAP, Calypso og Microsoft lausnir. Applicon
félögin eru fjögur talsins með starfsemi í þremur löndum, Applicon A/S
og Applicon Solutions A/S í Danmörku, Applicon í Svíþjóð og Applicon
ehf. á Íslandi.
Tæplega 200 manns starfa hjá Applicon, sem er í eigu Nýherja
samstæðunnar. Tinna Björk Hjartardóttir, nýr markaðsstjóri Applicon.
Ungir frumkvöðlar héldu sína árlegu
uppskeruhátíð fyrir skömmu. Þar komu
saman nemendur úr fjölmörgum fram-
haldsskólum landsins sem hafa alla vor-
önnina spreytt sig á stofnun og rekstri
fyrirtækja. Árangur þessa árs var með
allra besta móti. Góðar líkur eru á að
nokkur fyrirtækjanna hefji starfsemi og
skapi raunveruleg störf. Í upphafi fyrir-
tækjasmiðjunnar hafa nemendur ekkert
í höndunum en fara í gegnum námsefni
sem leiðir þau eitt skrefið að öðru til verð-
mætasköpunar. Viðskiptahugmyndirnar
voru margar í þeim 30 fyrirtækjum sem
voru stofnuð. Sigurvegararnir var fyr-
irtækið Skellur úr Verkmenntaskólanum
á Akureyri sem hannaði og framleiddi
klósettsetudempara sem varnar því að
ungir drengir skaði sig þegar þeir stíga
sín fyrstu skref við að pissa standandi.
Vöruna kölluðu þeir Gaurinn.
Fyrstu verðlaun voru veglegur verð-
launagripur, keppnisréttur í keppni Ungra
frumkvöðla sem fram fer í Hollandi í
sumar, sem og 3ja mánaða áskrift að
Frjálsri verslun.
Uppskeruhátíð Ungra frumkvöðla
Gylfi Magnússon, viðskiptaráðherra fær tilsögn í
notkun á klósettsetudemparanum á Vörumessu
Ungra frumkvöðla. Með Gylfa á myndinni eru
Hermann Ingi Gunnarsson, aðstoðarforstjóri Skells
og Elva Dögg Pálsdóttir, gjaldkeri fyrirtækisins.
Sigurvegarar í Fyrirtækjasmiðju Ungra frumkvöðla 2009, fyrirtækið Skellur úr
Verkmenntaskólanum á Akureyri. Verðlaunagripirnir eru hannaðir af Jónasi Braga
glerlistamanni. Frá vinstri: Davíð Örn Oddsson, Daði Kjartansson, Elva Dögg
Pálsdóttir, Guðný Vala Þorsteinsdóttir, Andri Fannar Gíslason, Hermann Ingi
Gunnarsson, Sveinbjörn Guðlaugsson og Guðrún Anna Gísladóttir.
Lj
ó
sm
yn
d
: v
iL
m
u
n
d
u
r
h
a
n
se
n
Lj
ó
sm
yn
d
: g
u
n
n
a
r
j
ó
n
at
a
n
ss
o
n
Tinna markaðsstjóri applicon