Frjáls verslun - 01.04.2009, Page 126

126 F R J Á L S V E R S L U N • 3 . T B L . 2 0 0 9
skýr kaflaskipti í rekstrinum
Í myndinni er lögð rík áhersla á að skýr kafla-
skipti verða í rekstri Loftleiða þegar Alfreð
veikist alvarlega, rétt rúmlega fimmtugur
að aldri: „Hann átti eftir að koma til starfa
aftur en varð aldrei samur maður og gat því
ekki beitt sér sem skyldi í sameiningarferlinu
sem tók heil fjögur ár, verk sem sjálfsagt tæki
ekki nema tvo til þrjá mánuði í dag. Veik-
indi Alfreðs urðu um sama leyti og Flugfélag
Íslands vill sameinast Loftleiðum með helm-
ingshlutfall í huga.“
Í myndinni kemur fram að hugmyndir
Loftleiðamanna hafi verið 85% á móti 15%,
enda voru eignir þeirra margfalt meira virði
og fleiri heldur en eignir Flugfélag Íslands
sem rekið var með tapi á meðan góður
hagnaður var af rekstri Loftleiða. En eftir
að Alfreðs naut ekki lengur við að fullu var
auðveldara fyrir Flugfélagsmenn að stjórna
sameiningunni, auk þess sem innan stjórnar
Loftleiða var ekki einhugur: „Alfreð hélt
Loftleiðum saman og þegar hann veikist
þá losnar um tökin og sameiningin endar
í skelfilegu óréttlæti. Þegar matsmennirnir,
sem ég hef nöfnin á í mínum skjölum,
voru að meta skrifstofubygginguna og hót-
elið, mældu þeir glugga, fóru í Brynju og
spurðu hvað þetta og þetta kostaði og þegar
þeir fengu einhverja tölu sem þeim líkaði þá
var afskrifað og það tók þá tvö ár að fara í
gegnum byggingarnar og skrifa allt niður,
meira að segja hnífapörin í eldhúsinu voru
ekki látin í friði og þau afskrifuð. Þetta var
svo ótrúlegt ferli að ég held að fólk eigi erfitt
með að trúa því í dag.“
Þegar svo sameiningin var kláruð voru
Flugfélagsmenn komnir með eitthvað um
47% eignarhlut á móti 53% hlut Loftleiða,
en áréttað skal að Loftleiðamenn lögðu upp
í sameiningarferlið með þær hugmyndir að
hlutur þeirra yrði um 85% en Flugfélagsins
um 15%.
„Þegar staðreyndirnar liggja fyrir er
ótrúlegt hvernig þessi niðurstaða fékkst; að
hlutur Loftleiða yrði aðeins 53% í Flug-
leiðum. Flugfélag Íslands rekið með tapi,
Loftleiðir með gróða. Eignir Flugfélagsins
voru skuldsettar flugvélar og braggar og
flugstöðin á Reykjavíkurflugvelli sem enn
er í notkun, en eignir Loftleiða, nokkrar
millilandaflugvélar, tvö hótel, stór skrif-
stofubygging og bílaleiga svo eitthvað sé
nefnt, enda flutti Flugfélagið með allt sitt
hafurstask í skrifstofubyggingu Loftleiða.
Ekki leið á löngu þar til þeir hentu Alfreð
út úr skrifstofu hans og Örn Johnson sett-
ist þar inn. Ég tek það fram að þetta hefði
ekki getað gerst nema vissir menn innan
stjórnar Loftleiða stæðu með Flugfélag-
inu í sameiningarferlinu. Þar fór fremstur
Sigurður Helgason sem síðar varð forstjóri
Flugleiða,“ segir Kristjana Milla.
Tólf ár í stjórn flugleiða
Eins og við var að búast voru þeir sem höfðu
staðið í brúnni hjá Loftleiðum í mörg ár
allt annað en ánægðir með sameininguna:
„Stofnað var félagið Fjöleign sem hafði þann
tilgang helstan að kaupa hlutabréf í Flug-
leiðum og fá mann í stjórnina. Það tókst og
ég var kosin í stjórn Flugleiða og sat þar í tólf
ár en hætti þar sem allt sem ég lagði til var
hunsað. Í raun var aldrei hlustað á mig allan
þann tíma sem ég sat í stjórninni og var ég
búin að fá alveg nóg. En fjárfestingin var góð
og hlutbréfin hækkuðu í verði. Fjöleign var
síðan leyst upp. En ég veit til þess að gamlir
Loftleiðamenn hittast og fá sér kaffi á Hótel
Loftleiðum og minnast skemmtilegri og betri
tíma.“
kvik myndir
Alfreð Elíasson á skrifstofu sinni.
Bandaríski flugstjórinn Moore, sem þjálfaði Loftleiðamenn og Alfreð í stjórnklefa Skymaster-
flugvélar.