Frjáls verslun - 01.09.2006, Blaðsíða 12

FRÉTTIR
12 F R J Á L S V E R S L U N • 9 . T B L . 2 0 0 6
Haldið var upp á 10 ára afmæli
VBS-fjárfestingabanka á dög-
unum og fjöldi góðra gesta
sótti hóf sem efnt var til af því
tilefni. Nokkrar breytingar hafa
nýverið orðið í hluthafahópi
bankans, Jafet S. Ólafsson,
stofnandi fyrirtækisins og
stjórnandi til skamms tíma,
hefur nú selt Fjárfestingafélagi
sparisjóðanna megnið af
sínum hlut, en situr í stjórn
fyrirtækisins. Í hans stað hefur
Jón Þórisson verið ráðinn fram-
kvæmdastjóri VBS, en hann
starfaði áður um langt skeið
hjá Íslandsbanka, síðast sem
aðstoðarforstjóri.
Í afmælishófinu á dögunum
flutti Davíð Oddsson seðla-
bankastjóri ávarp og fjallaði
um þá byltingu sem orðið hefur
á fjármálamarkaðnum á und-
anförnum árum. En Davíð sló
einnig á létta strengi og lagði
út af hlerunarmálunum sem
hafa verið áberandi í fréttum að
undanförnu. Sagði að gott hefði
getað verið að hlera fjármála-
manninn Jafet og fá hjá honum
góð ráð í viðskiptalífinu.
Á tíu ára ferli sínum hefur
VBS verið í stöðugum vexti.
Eigið fé félagsins er nú um
1,7 milljarðar króna, en voru
90 milljónir við stofnun þess
í október 1996. Velta fyrir-
tækisins í fyrra jókst um
rúm 100% frá árinu á undan
og nam um 1,1 milljarði. Þá
var ávöxtun eigin fjár með
því besta sem þekkist á fjár-
málamarkaðnum eða um 70%
eftir skatta. Upplýsingar um
VBS vantaði í útgáfu Frjálsrar
verslunar á 300 stærstu og er
hér beðist velvirðingar á þeim
mistökum.
Gleði í 10 ára
afmæli VBS fjár-
festingabanka:
Núverandi og fyrrverandi framkvæmdastjórar VBS,
þeir Jafet Ólafsson og Jón Þórisson, blómum skrýddir.
Jafet hleraður!
Það var mikið hlegið undir ræðu Davíðs enda fór hann á kostum.
Fyrir miðri mynd er Þorbjörn Sigurðsson sem hefur verið einn
helstur miðlari frá stofnun VBS.