Frjáls verslun - 01.09.2006, Blaðsíða 64
64 F R J Á L S V E R S L U N • 9 . T B L . 2 0 0 6
Krafa um góðar áætlanir
Í bók þinni fjallar þú mikið um áætlanagerð
í rekstri. Eru íslenskir stjórnendur nógu
meðvitaðir um mikilvægi góðra áætlana í
rekstri sínum?
„Hvað áætlanagerð viðvíkur er óhætt að
segja að viðhorfin hafi gjörbreyst á und-
anförnum árum. Með einkavæðingu ríkis-
bankanna var farið að gera allt aðrar kröfur
til fyrirtækjanna en áður hafði tíðkast. Góðar
og markvissar áætlanir eru í dag forsenda þess
að fyrirtækin fái fyrirgreiðslu. Viðskiptalífið
er klárlega mun agaðra nú en fyrir tíu til
fimmtán árum,“ segir Páll Kr. Pálsson. Hann
hyggst gera áætlanavinnu betri skil í næstu
bók sinni í þessum dúr, sem væntanlega
kemur út næsta sumar. Eins og fyrr segir
eru báðar bækurnar gefnar út í samstarfi við
SPRON sem leggur sérstaka áherslu á þjón-
ustu við lítil og meðalstór fyrirtæki. Fyrir
stjórnendur slíkra fyrirtækja hefur, að mati
Páls, vantað handhæg uppflettirit um ráð í
rekstri og því má segja að úr brýnni þörf sé
bætt með Handbók athafnamannsins.
BROT ÚR BÓKINNI:
Annað orð yfir heiðarleika
„Siðferði í viðskiptum er í raun annað orð
yfir heiðarleika. Spurningin snýst um það
hvort menn hagnist meira á því að vera
heiðarlegir og sýna siðvitund í viðskiptum
en með því að horfa fram hjá þessum
gildum. Getur gott siðferði jafnvel aukið
arðsemi fyrirtækja þegar til lengri tíma er
litið?
Í dag virðast skammtímasjónarmið víða
höfð að leiðarljósi í viðskiptum og rekstri
fyrirtækja. Krafan um meiri arð á næsta
misseri en á því síðasta ýtir undir að hugsa
fyrst og fremst til skammtímaárangurs og
að ná sem mestum hagnaði til skamms
tíma litið. Margt virðist benda til þess að
þetta viðhorf leiði til þess að menn teygi sig
oft býsna langt og á tíðum út yfir það sem
kalla mætti siðferðileg mörk og samfélags-
lega ábyrgð.“
Vald yfir sjálfum sér
„Eitt grundvallaratriði stjórnunar er að
til að ná árangri með aðra verður maður
að hafa vald yfir sjálfum sér. Flestir þeirra
einstaklinga, sem mannkynssagan telur
hafa náð mestum árangri hver á sínu sviði,
bjuggu yfir miklum aga og sjálfstjórn sem
gerði þeim kleift að nýta hæfileika sína til
hins ýtrasta. Margir þessara einstaklinga
höfðu fyrst og fremst aga til að nýta sér-
staka hæfileika sína, sem oft gátu verið á
afar þröngu sviði þar sem þeim tókst að
rækta styrkleika sína.
Í stjórnunarfræðum heitir þetta að
skynsamlegast sé að leggja megináherslu
á að bæta sig á þeim sviðum þar sem
maður býr yfir styrkleikum fremur en
að breyta veikleikum sínum. Staðreynd
málsins er nefnilega sú að afar erfitt er að
yfirstíga mannlega veikleika og þeir sem
eyða orkunni í það komast yfirleitt mun
skemmra en hinir sem leggja sig fram við
að þroska og þróa styrkleika sína og hæfi-
leika.“
Hæfni til að gagnrýna
„Góður leiðtogi og góður stjórnandi hafa
þann einstaka hæfileika að geta gagnrýnt
með jákvæðum hætti þannig að sá sem
fyrir gagnrýninni verður skynjar það ekki
sem neikvætt viðhorf heldur sem jákvætt
og þroskandi sjónarmið.“
Að taka á móti gagnrýni
„Með sama hætti og góðir stjórnendur
og leiðtogar þurfa að geta gagnrýnt með
uppbyggilegum hætti verða þeir að hafa
hæfileika til að hlusta á gagnrýni ann-
arra og skilja á milli neikvæðrar gagnrýni
og þeirrar sem skiptir máli og vert er að
vinna úr og fylgja því eftir með sífelldu
endurmati á sjálfum sér og vinnubrögðum
sínum.“
„Menn mega ekki lifa í
slíkum blekkingaheimi
að kenna til dæmis
ríkisstjórninni um ófarir
sínar. Rekstur er oft
virkilega töff.“
B Ó K U M S T J Ó R N U N
���������������������������������������������
���������������������������������
���������������������������������
���������������������������������������������������� ����������
���������������������� ������������������������������������ ����������